NEHEMIAH 7:3 - Mara Bible RV (BSI)

³ Ama hnohta, “Zerusale thokhy chhikaozy he noh a sah hlâta pahypa châ khah sy. Chhikao vaituhpazy ta ama vai nota, ochhi lâhreizy hrai khaipa châ mawh sy. Zerusale khihsawzy tawhta vaituhpazy rao aw ei chi ta, thokha ama vaina su raopa liata vaih ei sala, thokha âmo o dady chyu ta vaih mawh ei sy,” tah na ta.

NEHEMIAH 7:3 ပူးပေါင်းရင်းမြစ်များ

NEHEMIAH 13:19

Zerusale thokhy chhikao liata a vaw zohpa nahta, Pahânoh a tlô hlâ chhao ta, ochhizy khaw khai ha awpa ta biepie na ta, Pahânoh a chhâ hlâlei pahy lei awpa ta bie papua na ta. Pahânoh ta hmo rai amâ ngiakhei lei nawpa ta, nâ chakaotuhpa thokha chhikaozy pavaisa ei na ta.

NEHEMIAH 3:23

Âmo pazipa ta Benzami nata Hâsuba ta ama o dady liata taopathi ei ta. Âmo pazipa ta Ananiah sawchapawpa Mâsei sawchapawpa Azariah ta a o kiapâh liata a taopathi.

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

NEHEMIAH 7:4

Khihpi cha kawh ta, lai ngaita ta, a chhôh liata a ypazy deikua a chyhta châ ei ta, ozy chhao paduapathipa châ tlâ mâh vei.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 147:13

Ano ta na thokhy chhikao lâhreizy pa-isa ta, Na chhôh liata na sawzy byhnâ a awpa tyh ei.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.