NEHEMIAH 7:2 - Mara Bible RV (BSI)

² ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

NEHEMIAH 7:2 ပူးပေါင်းရင်းမြစ်များ

ÂTHAONA 42:18

A noh thôhna noh liata, Zawsi ta ama hnohta, “Khazohpa chi tlôh na ta, chavâta hetana heta tao u la nama hroh aw:

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

1 ABEIZY 18:3

Ahabâ ta abei o liata hriatuhpazy hyutuhpa Ôbadia cha aw ta. Ôbadia cha Abeipa a chi kawpa chyhsa a châ.

NEHEMIAH 1:2

ei unawhpa Hânani nata Zudâh râh tawhta chyhsa thokhazy vaw tlô ei ta. Seichâna tawhta a puapa Zu chyhsazy nata Zerusale thâtihzy hiahri ei na ta.

NEHEMIAH 10:23

Hôsia, Hânaniah, Hâsu,

NEHEMIAH 13:13

Theihthaipa Selemiah nata chârohtuhpa Zadô nata Livai chyhsa Pedai zy cha thyuna sôh avaotuhpazy ta rao ei na ta. Âmo baotuhpa châta Mâtaniah sawchapawpa Zaku sawchapawpa Hâna rao na ta. Âmo cha ngâ tlâhpa ta pachâpa châ ei ta, ama rai cha ama unawhzy hnohta ama to awpa hmo raipa a châ.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

NEHEMIAH 7:3

Ama hnohta, “Zerusale thokhy chhikaozy he noh a sah hlâta pahypa châ khah sy. Chhikao vaituhpazy ta ama vai nota, ochhi lâhreizy hrai khaipa châ mawh sy. Zerusale khihsawzy tawhta vaituhpazy rao aw ei chi ta, thokha ama vaina su raopa liata vaih ei sala, thokha âmo o dady chyu ta vaih mawh ei sy,” tah na ta.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

HLAZY 101:6

Râh chyhsa ngâchhihpazy Ei hnohta ama pahrâ thei nawpa ta, Âmo cha khokheipa ta moh aw ei na ta; Phapakipa chyhsa ta eina chakao aw.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

MALUHREINA 12:7

Nâ chakaotuhpa Mawsi deikua cha, cha hawhta châ vei. Ano cha ei o liata ngâchhihpa a châ.

MATHAI 24:45

“Cha khiahta la chakaotuhpa ngâchhihpa nata sopa, a zibeipa ta a o liata hyutuhpa ta a raopa, ama nie awpa a daihtita liata a pie lymâ tyh awpa cha ahy ma a châ tly?

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.