NEHEMIAH 6:8 - Mara Bible RV (BSI)

⁸ Ano lâ chyhsa tuah na ta, a hnohta, “Na reipa hawhta taopa khâpa hmah y vei. Na pachâpalipa ta na phichhyhpa biezy a châ,” tah na ta.

NEHEMIAH 6:8 ပူးပေါင်းရင်းမြစ်များ

NEHEMIAH 6:7

‘Zudâh râh liata abei a y,’ tahpa ta na thâtih Zerusale liata phuah awpa ta hrohsopazy chhao na rao ei. Cha biezy cha abei ta a vaw thei aw. Chavâta a vy la, pachâ khoh ei suh u,” tahpa ta châ liana cha roh ta.

ZAWBÂ 13:4

Nâmo deikua cha, Nama bie liata haipa rôh hnia thlu ei chi ta; Nama zydua ta, Hmâ tlâh leipa dawhtyzy nama châ.

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

HLAZY 38:12

Ei hrona la a chhuahpazy ta khoheih na chôkhâh ei ta, Na pasasa a chhuahpazy ta raona bie reipa ta, Noh y ta haipa bie tao awpa ama pachâ tyh.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

DÂNIAH 11:27

He bei panozy he hmo pha leipa taona lâta ama palôh pahei aw ei ta, tlâhkhai miakha liata dôhna chôta a dôvei raihrie aw ei ta, châhrasala phahnai aw vei, chhâna cha daihti raopa liata a vaw tlô thlyu awpa vâta.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 25:10

Pawla ta, “Kaisarâ ryureina dyuchhai hmiakô liata ei duah hih. He he ei thâtih pachia nawpa su tlai a châ. Zuzy chô liata khâpa hmo hmah parao va na, cha cha nâ chhao ta a siapa ta na pahno.

HMOTAOPAZY 25:7

A vaw tlô nahta, Zerusale tawhta Zu chyhsa a zupazy cha Pawla kiapâh liata a vaw duah ei ta, biepeipa hluhpi ta leih ei ta, châhrasala â do tlai na tahpa reih pasia thei leipa ei ta.