NEHEMIAH 6:6 - Mara Bible RV (BSI)

⁶ “Nâ nata Zu chyhsazy ta chariah ta thyu a chhuah ei chi ta, cha châta thokhy nama paduapathipa kyh chhao phopizy liata pathâh ta, Kese chhao ta a reih hra. Cha biezy tawhta pachâpa ta, ama bei châ awpa na khohpa ta â lâ.

NEHEMIAH 6:6 ပူးပေါင်းရင်းမြစ်များ

EZRÂ 4:12

Nâ tawhta keimo lâ a khypa Zuzy kha Zerusale lâ ama sie haw tahpa abei ta vaw pahno mawh sy. Chhorupa nata moleipa khihpi kha paduapathi ei ta, a thokhy paloh ha ei ta, tahmâ â bônazy ama pasiepakao hai.

EZRÂ 4:15

Châ pathlatuhpazy thâtih rona châbu liata vaw tlua tua awpa ta eima châ haw. He khihpi he chhorupa nata beizy nata râhzy châta tymâna a tlôkhei tyhpa khihpi châ ta, hlâno tawhta abei a dyuh awpa ta a thyu tyhpa khihpi a châzie thâtihzy rona châbu liata na hmô aw. Cha vâna chata he khihpi he roryhrapa ta a y hapa a châ.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 6:13

Chipa vâta Achhyna o chhôh lâ a ngia sah la, cha moleina hmo cha na pataosapa ta, ei moh pachhiepa ta eina pasipasawh thei nawpa ei ta, ano kha tâkâ piepa ta ama hmâpa a châ.

NEHEMIAH 6:5

A ei pangawhna liata Sanbâlâ ta a chakaotuhpa kei lâ vaw tuah ta, châbyh liata khô leipa, vâtlâh pahno awpa châ na vaw paphao ta.

NEHEMIAH 6:7

‘Zudâh râh liata abei a y,’ tahpa ta na thâtih Zerusale liata phuah awpa ta hrohsopazy chhao na rao ei. Cha biezy cha abei ta a vaw thei aw. Chavâta a vy la, pachâ khoh ei suh u,” tahpa ta châ liana cha roh ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

ZAWHÂNA 19:13

Cha biezy cha Pilâ ta a thei nahta, Zisu cha a chhi ta. Pilâ cha Lô Daosâh, Hebrai reih ta Kâbathâ ama tahpa, ryureina dyuchhai liata a tyuh ta.

RAWMA 3:8

Chyhsa thokha ta, “‘Hmo phapa a vaw pua thei nawpa ta, hmo moleipa tao ei suh u,’ ama tah na,” tahpa ta â doleipa ta miah ama baipa hawhna khata eima tao thlâh ha aw ma? Cha hawhpa chyhsazy cha thailei a châ awpa rai ama châ.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.