NEHEMIAH 6:17 - Mara Bible RV (BSI)

¹⁷ Cha dei châ vei, cha nohzy liata, Zudâh nôpawpazy ta Tôbia hnohta châ hluhpi paphao ei ta, Tôbia tawhta châpaphaopa hmô tyh hra ei ta.

NEHEMIAH 6:17 ပူးပေါင်းရင်းမြစ်များ

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 13:4

Eima Khazohpa o chhôhpadâhpazy mohôhtuhpa ta raopa theihthaipa Eliasi cha Tôbia nata azaona a hneipa châ ta, ano chata cha hmozy a y hlâta,

NEHEMIAH 3:5

Âmo pazipa ta Tekô mo ta ama taopathi. Châhrasala Tekô nôpawzy cha ama Beipa rai hria awpa a chhuah veih ei.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

NEHEMIAH 6:18

Tôbia cha Arâh sawchapawpa Sekaniah piahpa a châpa vâta, bietai taopa ta ano chhâh a châpa Zudâh chyhsa hluhpi y ei ta. A saw­chapawpa Zehôhanâ hra cha Berekiah sawchapawpa Mesulâ sawchanô cha lapinô ta hnei pâ heih ta.