NEHEMIAH 6:16 - Mara Bible RV (BSI)

¹⁶ Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

NEHEMIAH 6:16 ပူးပေါင်းရင်းမြစ်များ

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 4:1

Thokhy eima taopa thâtih cha Sanbâlâ ta a thei nahta, thata a pathi ia ta, Zuzy cha pahneisao ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

NEHEMIAH 6:17

Cha dei châ vei, cha nohzy liata, Zudâh nôpawpazy ta Tôbia hnohta châ hluhpi paphao ei ta, Tôbia tawhta châpaphaopa hmô tyh hra ei ta.

HLAZY 109:27

Cha cha nâma ku a châ tahpa pahno ei sala, Hy Abeipa, na taopa a châ tahpa pahno mawh ei sy!

HLAZY 126:2

Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah.

HLAZY 129:5

Zaio a haotuhpa zydua cha, Maophyuhpa ta y ei sala, Hnôh pasysapa châ mawh ei sy!

HLAZY 147:2

Abeipa ta Zerusale padua ta, Izarei phopi hiepatlapazy a pahmaohpakhy heih ei.

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

HMOTAOPAZY 5:38

Chavâta tahmâ ei cha chho ei, he chyhsazy he hria khah u, âmo y ta y thlâh mawh ei sy. Amâ chhuahpa nata ama hmotaopa he chyhsapa tawhta a châ khiahta la, khâpa hmah châ aw vei.

ZAWSUA 2:11

Cha thâtih cha eima theipa nahta, Abeipa nama Khazohpa cha chô lâ avâ liata nata a ry lâ alei liata Khazohpa a châpa vâta, eima pathipalôhzy zao khai ha ta, nâmo vâta palôh a pachyu theipa ahy hmah y khao veih ei.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.