NEHEMIAH 6:13 - Mara Bible RV (BSI)

¹³ Chipa vâta Achhyna o chhôh lâ a ngia sah la, cha moleina hmo cha na pataosapa ta, ei moh pachhiepa ta eina pasipasawh thei nawpa ei ta, ano kha tâkâ piepa ta ama hmâpa a châ.

NEHEMIAH 6:13 ပူးပေါင်းရင်းမြစ်များ

NEHEMIAH 6:12

Kha chyhsa kha Khazohpa tuapa châ leipa ta, Tôbia nata Sanbâlâ ta tâkâ piepa ta hmâh ei ta, kha hrohsona biezy kha ei chô liata a reipa a châ tahpa a hnôhlâ ta vaw pahno na ta, ei hmôpasiapa a châ.

NEHEMIAH 6:6

“Nâ nata Zu chyhsazy ta chariah ta thyu a chhuah ei chi ta, cha châta thokhy nama paduapathipa kyh chhao phopizy liata pathâh ta, Kese chhao ta a reih hra. Cha biezy tawhta pachâpa ta, ama bei châ awpa na khohpa ta â lâ.

BIESOZY 22:1

Hneirôna hlâta moh phana a tlyh via awpa châ ta, Tâkâ nata ngôh hlâta pasâhsapa a pha via.

BIESOZY 29:5

A vaih a reithai pakheipa cha, A phei sao â parai khâhpa a châ.

BIECHHOTUHPA 7:1

Sathaw sôhpa hlâta moh phana pha via ta, Pi noh hlâta thi noh a pha via.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 22:15

Phârisaihzy cha pua ei ta, a bie reipa liata ama paao thei nawpa ta a byh ei ta.

MATHAI 26:59

Zisu ama thie thei nawpa ta, theihthai beizy nata ryureituhpa zydua ta haipa ta ano leih nawpa tlua ei ta.

HMOTAOPAZY 6:13

Pahnokheituh pakheipazy rao ei ta, âmo chata, “He chyhsa heta, bâh leipa ta he su pathaihpa nata ryhpa a reipachhie lymâ.

2 KAWRINI 11:12

Eima hriapa hawhta a hria hrapa ta a reih ei ta, ama chakaona a palaikhei kawpazy bie ei pachhai thei nawpa ta, ei tao tyhpa hawhta ei tao lymâ aw.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

TITU 2:8

Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.