NEHEMIAH 6:1 - Mara Bible RV (BSI)

¹ Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

NEHEMIAH 6:1 ပူးပေါင်းရင်းမြစ်များ

NEHEMIAH 13:4

Eima Khazohpa o chhôhpadâhpazy mohôhtuhpa ta raopa theihthaipa Eliasi cha Tôbia nata azaona a hneipa châ ta, ano chata cha hmozy a y hlâta,

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 3:1

Theihthai beichaipa Eliasi nata theihthaipa chakaona rai a hrialâhpazy thyu ei ta, Mietaku Chhikao paduapathi ei ta. Abeipa lâ hlâ ei ta, a ochhizy tao ei ta. Zakha Osâhpa nata Hânane Osâhpa tlôna taihta thokhy cha paduapathi ei ta, Abeipa lâ ama hlâ.

NEHEMIAH 3:3

Hâsenâ sawchapawzy ta Nga Chhikao paduapathi ei ta. A tlâhzy pakhâh ei ta, a ochhizy, a hrainazy nata a lâhreizy ama tao.

NEHEMIAH 3:6

Pâsia saw­chapawpa Zehôdâ nata Besôdei sawchapawpa Mesulâ zy ta Zesanah Chhikao taopathi ei ta. A tlâhzy pakhâh ei ta, a ochhizy, a hrainazy nata a lâhreizy tao ei ta.

NEHEMIAH 4:1

Thokhy eima taopa thâtih cha Sanbâlâ ta a thei nahta, thata a pathi ia ta, Zuzy cha pahneisao ta.

NEHEMIAH 7:1

Thokhy cha palohpa châ ta, ochhizy tao na ta, chhikao vaituhpazy, hlasathaipazy nata Livai pathlazy ei rao khai nahta,

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.