NEHEMIAH 5:9 - Mara Bible RV (BSI)

⁹ Chavâta ama hnohta, “Nama hmotaopa he pha vei. Eima chariah phophizy ta miah ama pahneisao lei nawpa ta, eima Khazohpa nama chi awpa châ vei ma?

NEHEMIAH 5:9 ပူးပေါင်းရင်းမြစ်များ

ÂTHAONA 20:11

Abarahâ ta, “‘He su liata Khazohpa china rai y leipa ta, ei lapinô vâta eina thie aw ei’ tahpa ei pachâpa vâta a châ.

ÂTHAONA 42:18

A noh thôhna noh liata, Zawsi ta ama hnohta, “Khazohpa chi tlôh na ta, chavâta hetana heta tao u la nama hroh aw:

2 SAMUELA 12:14

He na hmotaopa heta Abeipa chariahpazy châta ano ama reipachhie nawpa rypaohpa na taopa vâta, na saw a pihpa deikua cha a thi aw,” tah ta.

NEHEMIAH 4:4

Thlahchhâ na ta, “Hy eima Khazohpa, miah nathlie mah y. Mohnaopa ta eima y hih. Miah ama pasipasawhna he ama luh chô liata palie thlu la, hraopa ta y ei sala, râh hropa liata sei ta y mawh ei sy.

NEHEMIAH 5:10

Cha dei châ vei, kei nata ei unawhzy nata nâ chakaotuhpazy ta âmo cha sôh nata sâh zy â bâh ta eima pie lymâ. Ngiachhiepa ta apôhna hneipa ta dyu pacheisapa he pathleih ei suh u.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

BIESOZY 16:29

Chyhsa hro chhiepa ta a vaih dôvei tyh ta, Lâpi pha leipa liata â chhi tyh.

BIESOZY 17:26

Mosiapa hriepa cha pha leipa ta, Nôpawpazy amâ dona vâta tupa chhao pha vei.

BIESOZY 18:5

Moleipa khokhei viapa pha lei­pa ta, Mosiapa adona chhupa chhao pha vei.

BIESOZY 19:2

Pahnona a phahlapa hro cha pha leipa ta, A phei a parapa chhao a sumiesumâ tyh.

BIESOZY 24:23

Hezy chhao he chyhsa sopa biereipazy a châ. Pachiana liata khokhei viapa hneipa pha vei.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

THEIHTHAINA 25:36

Apôhna tlyma, âthôhna tlyma, ano tawhta na la awpa châ vei. Na Khazohpa chi mah y, chatanachata na unawhpa cha na hnohta a y thei aw.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

TITU 2:5

Khazohpa bie reipachhiepa ta a y lei nawpa ta, a sohsi theipa, chanô pathaihpa, o mohôhna rai a hriapa, nôphapa nata ama vahpazy rei a ngiahpa châ awpa ta pachu mah y.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 SAMUELA 2:24

Châ bao va, ei sawchapawzy saih u, Abeipa chyhsazy ta nama thâtih ama pathâhsapa ei theipa he thâtih phapa châ vei.