NEHEMIAH 5:8 - Mara Bible RV (BSI)

⁸ ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

NEHEMIAH 5:8 ပူးပေါင်းရင်းမြစ်များ

NEHEMIAH 5:9

Chavâta ama hnohta, “Nama hmotaopa he pha vei. Eima chariah phophizy ta miah ama pahneisao lei nawpa ta, eima Khazohpa nama chi awpa châ vei ma?

ZAWBÂ 29:10

Nôpawpazy ao diah ta, Ama pakah vâphuh liata ama paleih â bai tyh;

ZAWBÂ 32:15

“Ngiarohpa ta y ei ta, A chhy khao leipa ei ta, Rei awpa hnei khao veih ei.

PUASAINA 21:16

“Chyhsapa a parupa cha, a zuah hapa chhao ta nata ano ku liata a y nota hmôpa a châpa chhao ta, cha chyhsa cha thie thlyu awpa a châ.

MATHAI 22:12

a hnohta, ‘Viasa, kheihtazieta ahneina chysia a tobi leipa ta he liata nâ vaw ngia thlâh haw?’ tah ta. Cha chyhsa cha a thlih thlâh ha ta.

MATHAI 25:15

Chakaotuhpa pakha hnohta talent miapangawh pie ta, ahropa hnohta miano pie ta, ahropa hnohta miakha a pie. Ama tao theipa rakha chyu ta pie ta, sie ha ta.

MATHAI 25:29

Ahy rai a hneipa cha, pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao lapa a châ aw.

RAWMA 14:15

Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

1 KAWRINI 8:11

Chatanachata na unawhpa chiehleipa, ano vyuhpa ta Krista a thipa chyhsa cha, na pahnona ta a pahleipadia aw.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

RYHPACHANEINA 24:7

“Chyhsa ta a unawhpa Izarei chyhsa paru sala, sei ta ma a tao tly, a zuah tlyma, pahnopa a châ khiahta cha, parutuhpa cha thie awpa a châ. Cha hawhna chata hmo pha leipa cha nama hry tawhta nama pahlei awpa a châ.