NEHEMIAH 5:2 - Mara Bible RV (BSI)

² Thokhazy ta, “Keimo sahlao he eima sawchapawzy nata eima sawchanôzy chhaota hluh ngaita pi ta, chavâta nie awpa hneipa ta eima hroh thei nawpa ta, sâh a chhuhrao ei suh u,” tah ei ta.

NEHEMIAH 5:2 ပူးပေါင်းရင်းမြစ်များ

ÂTHAONA 41:57

Khizaw zydua liata chakâh mozoh a tlôpa vâta, Zawsi tawhta sâh chalei awpa ta, râh to tawhta Izi râh lâ vaw pangai ei ta.

ÂTHAONA 42:2

“Pachâ teh u, Izi râh liata sâh a y tahpa ei thei. Cha lâ cha zu u la, cha liata eima châta sâh za chalei teh u. Chatanachata thi leipa aw pi ta, eima hroh aw,” tah ta.

ÂTHAONA 43:8

Zudâh ta a paw Izarei hnohta, “Hawtipa he ei hnohta pasiesa la, thyu aw pi ta, eima sie aw. Chatanachata keimo nata nâ nata eima sawtazy he thi leipa aw pi ta, eima hroh thei aw.

ÂTHAONA 47:19

Khazia na mohmô liata keimo nata eima râh he eima thi aw? Keimo nata eima râh he sâh ta miah chalei teh. Keimo nata eima râh he Phiraoh chakaotuhpa ta eima y aw. Thi leipa ta eima hroh thei nawpa nata râh he roryhrapa ta a y lei nawpa ta, sâh chi miah pie mah y,” tah ei ta.

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

NEHEMIAH 5:3

“Chakâhna a tlôpa vâta, nie awpa sâh eima hnei thei nawpa ta, eima lyuzy, eima kre sadôzy, eima ozy taihta sôhkâ ta eima sokhâh lymâ bâ,” a tahpazy y hra ei ta.

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

RYHPACHANEINA 23:19

“Apôhna hneipa ta nama unawhzy dyu nama pacheisa awpa châ vei. Tâkâ liata apôhna tlyma, niedo liata apôhna tlyma, apôhna hneipa ta khâpa hmah dyu nama pacheisa awpa châ vei.