NEHEMIAH 5:11 - Mara Bible RV (BSI)

¹¹ Tanoh tlai heta ama lyuzy, ama kre sadôzy, ama ôli sadôzy, ama ozy pakua khai ha u la, ama sôh, sâh, kre sadô nata sathaw zy tawhta apôhna nama lapazy pakua khai ha teh u,” tah na ta.

NEHEMIAH 5:11 ပူးပေါင်းရင်းမြစ်များ

2 SAMUELA 12:6

ngiachhiena rai hnei leipa ta, cha hawhpa hmo cha a taopa vâta, mietakutaw cha a lie palih ta a thô awpa a châ,” tah ta.

NEHEMIAH 5:10

Cha dei châ vei, kei nata ei unawhzy nata nâ chakaotuhpazy ta âmo cha sôh nata sâh zy â bâh ta eima pie lymâ. Ngiachhiepa ta apôhna hneipa ta dyu pacheisapa he pathleih ei suh u.

NEHEMIAH 5:12

Âmo ta, “Chazy cha pakua khai aw pi ta, âmo tawhta khâpa hmah a hnaw aw ma pi. Na reipa hawhta eima tao aw,” tah ei ta. Chatawhcha theihthaipazy aw ei na ta, ama reipa hawhta zawpizy cha bie pataihsa ei na ta.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

RYHPACHANEINA 6:11

nama pabie leipa hmo phapa to ta a biepa ozy, nama chao leipa tikhaohzy, nama lo leipa kre sadôzy nata ôli thozy yna râh lâ a châ chhi ti ei ta, nie aw chi ta lôhrâtlôpa ta nama y tita,

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.