NEHEMIAH 5:1 - Mara Bible RV (BSI)

¹ Chatawhcha zawpizy nata ama la­pinôzy ta ama unawh Zuzy chô liata paphôhpa ta thata awh ei ta.

NEHEMIAH 5:1 ပူးပေါင်းရင်းမြစ်များ

NEHEMIAH 4:23

Chavâta kei chhao, ei unawhzy chhao, ei satliazy chhao, vaituhpa nâ zi tyhpazy chhao, ahy hmahta eima chysia pahluh leipa pi ta, ti eima do no chhao ta eima chaihraizy soh ma pi.

ZAWBÂ 34:28

Dyhchhiepazy awna ao a kô patlôsa ei ta, Phahlapazy awna ao a thei.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ZEREMIAH 34:8

He bie he Bei Zedekia ta Zerusale liata a ypa zawpi zydua hnohta biehrai taopa ta, seizy khotalaina kyh a phuah khai tawhta, Zeremiah hnohta Abeipa bie a vaw tlôpa a châ.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

HMOTAOPAZY 7:26

A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta.

ZÂMIE 5:4

Nathlie tua u, nama lyu rai a hriapazy hlao â doleipa ta nama patâhpazy khata nâmo leihpa ta awh ei ta, hriatuhpazy chana pyu cha, Pheisaihzy Abeipa nakhaoh liata â ngia haw.