NEHEMIAH 4:7 - Mara Bible RV (BSI)

⁷ Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

NEHEMIAH 4:7 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

2 ABEIZY 24:2

Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

2 THÂTIHZYRONA 20:1

Cha hnôhlâ ta Môabâ mo nata Amawna mo cha Muni mo thokhazy chhaota Zehôsaphâ a dyuh awpa ta vaw pua ei ta.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 4:1

Thokhy eima taopa thâtih cha Sanbâlâ ta a thei nahta, thata a pathi ia ta, Zuzy cha pahneisao ta.

NEHEMIAH 4:6

Chatanachata thokhy cha padua pi ta. Zawpizy ta hria khohna palôh ama hneipa vâta, thokhy cha â sâhna khophie taih thlai patlô pi ta.

NEHEMIAH 4:8

Zerusale siehnao ta tymâna tao awpa ta a paraoh ei ta.

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

ZEREMIAH 25:20

nata ama hry liata chipho a pahlaopa pathla zydua; Uzi râh bei zydua nata Philistinâ râh bei, Askelaw, Kâza, Ekaraw nata Asadô liata laibâhpa bei zydua;

ZEREMIAH 41:10

Pheisaih hyutuhpa Nebuzarâdâ ta Ahikâ sawchapawpa Kedaliah ryureina ry liata y awpa ta Mizpâ liata a siesaipa mohropa zydua cha, abei sawchanôzy chhaota, Ismela ta sei ta â chhi ha ei. Nethaniah sawchapawpa Ismela ta âmo cha sei ta patu ta, Amawna râh lâ a siekhei ha ei.

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.

AMÔSÂ 1:8

Asadô râhsawzy chhawh pathlah aw ei na ta, Askelaw ryureituhpazy ei chhawh pathlah aw ei; Ekaraw chô lia ei ku hy aw na ta, Philistinâ laibâhpazy ama leidia aw,” Abeipa Zehôvâh ta a tah.

AMÔSÂ 3:9

“Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

BIEPHUAH 12:17

Chavâta drâkao cha chanô chô liata a hiehâh ngaita ta, chanô pathla laibâhpa, Khazohpa biepiepazy a zyhpa nata Zisu bie a pyhpazy a dyuh awpa ta pua ta.

1 SAMUELA 11:2

Amawna chyhsa Nahâsâ ta ama hnohta, “He hawhta nama paryhsa khiahta cha, nama hnohta bie ei hraih aw: nama zydua mokhaoh chachâh lâ thaoh khai aw na ta, cha cha Izarei zydua chô liata nohzaona ei patlôsapa a châ aw,” tah ta.