NEHEMIAH 4:3 - Mara Bible RV (BSI)

³ A kiapâh liata Amawna chyhsa Tôbia y ta, ano ta, “Khâpa thokhy cha ma zua ama padua thei hra bao aw tly? Changie ta hmah kiah sala, alô thokhy ama taopa cha a pacho thlâh bao aw na,” tah ta.

NEHEMIAH 4:3 ပူးပေါင်းရင်းမြစ်များ

1 ABEIZY 20:10

Benhadâ ta Ahabâ lâ lyuhchâpa tuah heih ta, a hnohta, “Nâ pazituhpa zydua heta Samâri khih buchadoh a rai ei sala, pazah kha chyu chhao ama to awpa a y khao leina taihta ei tao vei khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

1 ABEIZY 20:18

Benhadâ ta, “A dyh awpa ta a vaw puapa ama châ khiahta cha, a hrohpa ta patu u la, a dyuh awpa ta a vaw puapa ama châpa chhao ta, a hrohpa ta patu pyly muh vy,” tah ta.

2 ABEIZY 18:23

Tahmâ a vy la, ei zibeipa Asuria bei hnohta sôhkâ pie awpa ta bie a taih teh. Keima lâ tawhta cha, arâ pheisaih sâh no na hnei khiahta cha, arâ sâh no ei cha pie aw.

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

CHAPHÔHTUNA 5:18

Zaio Tlâh roryhrapa ta y ta, Changiezy tlaihna tlâh a châ hapa vâta.

RYHPACHANEINA 23:3

“Amawna chyhsa tlyma, Môabâ chyhsa tlyma cha Abeipa pakhypi liata â hlao awpa châ vei. Ama pathlazy chhâ hrawhna taihta khati ta hmahta Abeipa pakhypi liata amâ hlao awpa châ vei.