NEHEMIAH 4:23 - Mara Bible RV (BSI)

²³ Chavâta kei chhao, ei unawhzy chhao, ei satliazy chhao, vaituhpa nâ zi tyhpazy chhao, ahy hmahta eima chysia pahluh leipa pi ta, ti eima do no chhao ta eima chaihraizy soh ma pi.

NEHEMIAH 4:23 ပူးပေါင်းရင်းမြစ်များ

NEHEMIAH 4:22

Cha nona chata zawpi hnohta, “Zerusale a chapiapa maih cha, âmo a chakaotuhpazy chhaota Zerusale liata a rie lymâ mawh ei sy. Chatanachata zâ ta miah vaih aw ei ta, nohchhô ta rai miah ama hriakhei aw,” tah na ta.

NEHEMIAH 5:1

Chatawhcha zawpizy nata ama la­pinôzy ta ama unawh Zuzy chô liata paphôhpa ta thata awh ei ta.

NEHEMIAH 5:16

Thokhy taopathina raihria liata a hmâh khai na ta, râh hnei a chhuah leipa na ta, nâ chakaotuhpa zydua chhao, thokhy raihria liata ama ypakhy khai.

NEHEMIAH 7:2

ei unawhpa Hânani cha Zerusale avaotuhpa ta rao na ta. Hânaniah cha chyhsa hluhpi hlâta ngâchhih viapa nata Khazohpa a chi viapa a châpa vâta, thokhy mohôhtuhpa ta ei raopa a châ.

ZÔELA 2:8

A pakhâpadie leipa ta, Ama lâpi chyu liata ama sie. Chariah chhaichhizy chatôh pathlah ei ta, Pakhâ thei awpa châ veih ei.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

RYUREITUHPAZY 5:11

Libaw katuhpazy pyu hlâta paro viapa ta, Ti yna suzy liata Abeipa hmotao siapa cha phuah aw ei ta, Izarei liata a khihsawzy hmotao siapa kyh ama phuah aw. Chatanachata Abeipa phopi cha, Khihpi thokhy chhikaozy lâ amâ pahri aw.

RYUREITUHPAZY 9:48

Abimele nata a hnohta a ypa chyhsa zydua Zalmaw Tlâh lâ kiah ei ta. Abimele cha ahrei a chei ta, thopahrei ty kha pakhy ta, chalo ta a ngiatlâh ta a pia ta. A hnohta a ypa chyhsazy hnohta, “Ei taozie he hmô ei chi ta, ei taopa hawhna heta nâmo chhao tao para teh u,” tah ta.