NEHEMIAH 4:21 - Mara Bible RV (BSI)

²¹ Chatanachata rai cha hriapasa pi ta, â khophie ta my khihdei tawhta zâlâ awhsi â lâna taihta asei a chaba ei ta.

NEHEMIAH 4:21 ပူးပေါင်းရင်းမြစ်များ

NEHEMIAH 4:20

Chiahmie pyu nama theina su liata, cha liana cha keimo lâ a vaw hmaoh tyh muh vy. Eima Khazohpa ta miah â dyuhpa aw,” tah na ta.

NEHEMIAH 4:22

Cha nona chata zawpi hnohta, “Zerusale a chapiapa maih cha, âmo a chakaotuhpazy chhaota Zerusale liata a rie lymâ mawh ei sy. Chatanachata zâ ta miah vaih aw ei ta, nohchhô ta rai miah ama hriakhei aw,” tah na ta.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.