NEHEMIAH 4:11 - Mara Bible RV (BSI)

¹¹ Eima chariahpazy ta, “Âmo lâ vawh aw pi ta, thie aw pi ta, raihria eima chalihsa hlâlei pahno leipa aw ei ta, miah hmô aw veih ei,” tah ei ta.

NEHEMIAH 4:11 ပူးပေါင်းရင်းမြစ်များ

2 SAMUELA 17:2

A riethei thachhâ kaw nota pachhai aw na ta, ei pachisa aw. Chatanachata a hnohta chyhsa a ypa zydua cha a râpai aw ei ta, abei deita ei thie aw.

NEHEMIAH 4:10

Zudâh zawpizy ta, “Hmo phaohtuhpazy ama tha a chhâ haw. Hnaihny hra cha hluh tlôh ta, keimo ta la thokhy he padua thei aw ma pi,” tah ei ta.

NEHEMIAH 4:12

Cha nota ama chheipâh liata a pahrâpa Zuzy ta, “Namâ vaw lie tita su to tawhta amâ châ dyuh aw,” tahpa ta ei hrawh tlai miah chho ei ta.

NEHEMIAH 4:9

Eima Khazohpa lâta thlahchhâ pi ta, âmo tawhta eimâ boh thei nawpa ta chhô nah zâ ta vaituhpazy soh pi ta.

HLAZY 56:6

Na teiparupa ta nâ byh ei ta, Ei sievawnazy ngia ei ta thie einâ chhuah ei.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

HMOTAOPAZY 23:21

Châhrasala ama bie vaw zo khah y. Ama chyhsa sypalih hlâta hluh via ta amâ byh thlâh haw. Cha chyhsazy chata Pawla ama thie hlâlei cha khâpa hmah nie leipa nata doh lei awpa ta bie a taih ei ta, tahmâ he na paryhsana hâpa ta amâ chiehpa ta ama y thlâh haw,” tah ta.

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.