NEHEMIAH 3:3 - Mara Bible RV (BSI)

³ Hâsenâ sawchapawzy ta Nga Chhikao paduapathi ei ta. A tlâhzy pakhâh ei ta, a ochhizy, a hrainazy nata a lâhreizy ama tao.

NEHEMIAH 3:3 ပူးပေါင်းရင်းမြစ်များ

2 THÂTIHZYRONA 33:14

Cha hnôhlâ ta Dâvi khihpi notla daih lâta saikao liata thokhy cha khôtho lâ tawhta thokhy hropa ta patho thlu ta, Nga Chhikao angiana liata chhao khôtho lâ tawhta thokhy patho hra ta, Ôphe taihta padôpa ta â sâh ngaitapa ta sa ta. Thokhy a hneipa Zudâh khihpi zydua liata pheisaih hyutuhpazy soh ta.

EZRÂ 2:35

Senâ pathlazy 3,630.

NEHEMIAH 12:39

Epharai Chhikao, Zesanah Chhikao, Nga Chhikao, Hânane Osâhpa nata Zakha Osâhpa chô lia zy ta sie laih ei ta, Mietaku Chhikao tlôna taihta sie ei ta, Vaituhpa Chhikao liata amâ duah.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

NEHEMIAH 3:4

Âmo pazipa ta Hâkô sawchapawpa Uria sawchapawpa Meremô ta taopathi ta. Âmo pazipa ta Mesezabe sawchapawpa Berekiah sawchapawpa Mesulâ ta taopathi ta. Âmo pazipa ta Bânâ sawchapawpa Zadô ta taopathi ta.

NEHEMIAH 3:6

Pâsia saw­chapawpa Zehôdâ nata Besôdei sawchapawpa Mesulâ zy ta Zesanah Chhikao taopathi ei ta. A tlâhzy pakhâh ei ta, a ochhizy, a hrainazy nata a lâhreizy tao ei ta.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

NEHEMIAH 7:1

Thokhy cha palohpa châ ta, ochhizy tao na ta, chhikao vaituhpazy, hlasathaipazy nata Livai pathlazy ei rao khai nahta,

NEHEMIAH 7:38

Senâ pathlazy 3,930.

HLAZY 147:13

Ano ta na thokhy chhikao lâhreizy pa-isa ta, Na chhôh liata na sawzy byhnâ a awpa tyh ei.

ZEPHANIA 1:10

“Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.