NEHEMIAH 3:26 - Mara Bible RV (BSI)

²⁶ Ôphe liata a ypa Achhyna o chakaotuhpazy ta nochhi lâchhâh Ti Chhikao dady taih nata o sâhpa lâ kiana taihta a taopathi.

NEHEMIAH 3:26 ပူးပေါင်းရင်းမြစ်များ

1 THÂTIHZYRONA 9:2

Ama ryuto râh khihpizy liata a pahrâ pakhua heihpa hmiatuapazy cha Izarei saw thokhazy, theihthaipazy, Livai chizy nata Achhyna o liata chakaotuhpazy châ ei ta.

2 THÂTIHZYRONA 27:3

Abeipa o machhua lâta chhikao tao ta, Ôphe thokhy chô liata chhao o hluhpi sa ta.

2 THÂTIHZYRONA 33:14

Cha hnôhlâ ta Dâvi khihpi notla daih lâta saikao liata thokhy cha khôtho lâ tawhta thokhy hropa ta patho thlu ta, Nga Chhikao angiana liata chhao khôtho lâ tawhta thokhy patho hra ta, Ôphe taihta padôpa ta â sâh ngaitapa ta sa ta. Thokhy a hneipa Zudâh khihpi zydua liata pheisaih hyutuhpazy soh ta.

NEHEMIAH 10:28

Mohropa zydua chhao, theihthaipazy, Livai pathlazy, chhikao vaituhpazy, hlasathaipazy, Achhyna o chakaotuhpazy, Khazohpa ryhpa zyh awpa ta phopi hropazy tawhta a pananopa zydua, ama lapinôzy, ama sawchapawzy, ama sawchanôzy nata pahnona nata novâhna a hneipa zydua cha,

NEHEMIAH 11:21

Achhyna o chakaotuhpazy deikua Ôphe liata pahrâ ei ta, Ziha nata Kispâ cha Achhyna o chakaotuhpazy hyutuhpa ama châ.

NEHEMIAH 12:37

Tihnawh Chhikao ama tlô nahta, chakhâ lâ a kiahpa thokhy, Dâvi khihpi lâ pangaina lâpi chhâhchabi a chhih ei ta, Dâvi o machhua lâta siepa ta, nochhi lâchhâh ta Ti Chhikao pangaipa ta ama sie.

NEHEMIAH 3:27

Ano a pazipa su liata Tekô mo ta o sâhpa lâ kiana dady nata Ôphe thokhy taih ama taopathi.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 8:16

Chatanachata zawpizy cha sie ei ta, thobuh chiahzy vaw cheih ei ta, ama o chô liata zy, ama tlyhmia liata zy, Khazohpa o tlyhmia liata zy, Ti Chhikao tlyhmia tlyliah liata zy, Epharai Chhikao tlyhmia tlyliah liata zy, ama byureih cha tu chyu ei ta.

NEHEMIAH 8:3

Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

ISAI 32:14

Abei o cha siesaipa châ aw ta, Chyhsa hluhpi pahrâna khihpi chhao puasaipa a châ aw. Tlâhthlôh nata riahvaina o sâhpa zy chhao, Lôpuzy lâta chhâzaw ta amâ lie aw. Lyurâhpa alâzy alyna châ aw ei ta, Mietakuzy tlaihna ama châ aw.