NEHEMIAH 3:19 - Mara Bible RV (BSI)

¹⁹ Ano pazipa su liata Zesua sawchapawpa, Mizpâ ryureituhpa Eze ta taopathi ta, chariah chhaichhi sona lâ kiana dady, thokhy pakopa liata a taopathi.

NEHEMIAH 3:19 ပူးပေါင်းရင်းမြစ်များ

2 THÂTIHZYRONA 26:9

Cha dei châ vei, Zerusale liata Aki Chhikao, Saikao Chhikao nata Pakona Chhikao zy liata Uzia ta o sâhpazy sa ta, chazy cha thokhy ta dôh ta.

NEHEMIAH 10:9

Livai pathla moh ropazy cha, Azaniah sawchapawpa Zesua, Henadâ sawchapawzy hry liata Binu nata Kâdamie;

NEHEMIAH 12:8

Livai pathlazy cha Zesua, Binu, Kâdamie, Serebiah, Zudâh nata Mâtaniah zy châ ei ta, Mâtaniah nata a unawhzy cha reithaina hla sana liata chhituhpazy ama châ.

NEHEMIAH 3:15

Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

NEHEMIAH 3:18

Ano pazipa ta ama unawhzy ta taopathi ei ta. Henadâ sawchapawpa, Keilâh bia khophie ryureituhpa Bavai ta a taopathi.

NEHEMIAH 3:24

Ano a pazipa su liata Henadâ sawchapawpa Binu ta Azariah o tawhta thokhy pakopa nata thokhy ki taihta a taopathi.