NEHEMIAH 3:15 - Mara Bible RV (BSI)

¹⁵ Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

NEHEMIAH 3:15 ပူးပေါင်းရင်းမြစ်များ

2 SAMUELA 5:9

Dâvi cha thokhy chhôh liata pahrâ ta, cha cha Dâvi khihpi tahpa ta a moh a bi. Milô tawhta pathaopa ta khihpi chhôh zydua cha Dâvi ta thokhy ta dôh ta

2 ABEIZY 25:4

Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta, a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.

2 THÂTIHZYRONA 32:30

Kihaw chavah hnawh toh ta, Dâvi khihpi notla lâchhâh ta a palosa. Chatanachata Hezekia cha a hmotaopa zydua liata thlaochhipa ta y lymâ ta.

NEHEMIAH 12:37

Tihnawh Chhikao ama tlô nahta, chakhâ lâ a kiahpa thokhy, Dâvi khihpi lâ pangaina lâpi chhâhchabi a chhih ei ta, Dâvi o machhua lâta siepa ta, nochhi lâchhâh ta Ti Chhikao pangaipa ta ama sie.

NEHEMIAH 2:14

Tihnawh Chhikao nata Abei Tipo lâ sie na ta, ei kiapa sahroh sie thei nawpa su rai y leipa ta.

NEHEMIAH 2:17

Ama hnohta, “Eima duahmo chhiezie he hmô ei chi ta, Zerusale cha roryhrapa ta y ta, a chhikaozy mei ta a kâ khai ha hih. A vy teh u, mohnaopa ta eima y khao lei nawpa ta, Zerusale thokhy he paduapathi suh u,” tah na ta.

NEHEMIAH 3:12

Ano pazipa ta Halôhe sawchapawpa, Zerusale bia khophie ryureituhpa Sâluh nata a sawchanôzy ta ama taopathi.

NEHEMIAH 3:14

Rekhâ sawchapawpa, Behakere bia ryureituhpa Mâkia ta Hnaihny Chhikao taopathi ta. Chhikao cha paduapathi ta, a ochhizy, a hrainazy nata a lâhreizy a tao.

NEHEMIAH 3:19

Ano pazipa su liata Zesua sawchapawpa, Mizpâ ryureituhpa Eze ta taopathi ta, chariah chhaichhi sona lâ kiana dady, thokhy pakopa liata a taopathi.

NEHEMIAH 3:7

Âmo a pazipa cha, Kibiô chyhsa Melâtiah nata Merônôthi chyhsa Chadô ta taopathi ei ta. Âmo cha Chavah Haosâ râh râhvaotuhpa atyuna Kibiô nata Mizpâ chyhsazy ama châ.

NEHEMIAH 3:9

Âmo a pazipa cha, Zerusale bia khophie ryureituhpa Hurâ sawchapawpa Rephiah ta taopathi ta.

BIECHHOTUHPA 2:6

Thody lai haipazy ta a biepa thothihzy a chyh thei awpa ta, tipozy chhao keima châta ei tao.

ISAI 8:6

“He phopi heta nai zualua ta a lohpa Silôah tizy dytha ei ta, Rezi nata Remâliah sawchapawpa chô liata amâ lypa vâta,

ZEREMIAH 40:6

Zeremiah cha Ahikâ sawchapawpa Kedaliah yna Mizpâ lâ sie ta, râh liata siesaipa râhsawzy hry liata a hnohta pahrâ ha ta.

LUKA 13:4

Silôam o sâhpa ta a visaopa chyhsa pahrawh hleicharie chhao kha, Zerusale khih liata a ypa zydua hlâta hmo parao via pachaipa ama châpa ta nama pangiasa ma?

ZAWHÂNA 9:7

a hnohta, “Vawh la, Silôam tipo liata a kei pasi teh,” tah ta. Silôam cha “Tuah” tahna a châ. Chatanachata vawh ta, a kei pasi ta, mo pavâpa ta vaw kua ha ta.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.

RYUREITUHPAZY 20:3

Izarei sawzy Mizpâ khih lâ ama khypa thâtih cha Benzami mo ta vaw thei ei ta. Izarei sawzy ta, “He moleina he kheihta ma a vaw y, miah chho teh u?” tah ei ta.