NEHEMIAH 2:6 - Mara Bible RV (BSI)

⁶ A kiapâh liata abeinô chhao a tyuh thlâh ha ta, abei ta, “Khachâ na hawh aw, khati nâ vaw lie heih aw?” na tah ta. A daihti ei taih nahta, abei cha a ly kawpa ta na pasiesa ta.

NEHEMIAH 2:6 ပူးပေါင်းရင်းမြစ်များ

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 13:6

Cha hawhta hmo a y nota, kei cha Zerusale liata y leipa na ta. Babylaw bei Âtazezia abeina kô sythôh nata kô nona liata, abei a hmô awpa ta ei sie chhôh a châ. Noh khazie tlyma ei y tawhta, sie heih awpa ta abei cha hiah na ta.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

NEHEMIAH 2:5

Abei hnohta, “Abei ta paryhsa sala, châ chakaotuhpa he na modypa ei châ khiahta cha, Zudâh râh liata nâ pathlatuhpazy thlâ yna khihpi lâ na pasiesa la, cha khihpi cha paduapathi awpa ta na pasaih mah y,” tah na ta.

NEHEMIAH 5:14

Cha dei châ vei, Zudâh râh a vaotuhpa ta raopa ei châ rakha tawhta, Bei Âtazezia â beina kô kihna tawhta kô sythôh nata kô nona taihta, kô hrawh hleino chhôh, kei nata ei unawhzy ta râhvaotuhpa tovyuh niedozy nie ma pi.

ISAI 58:12

Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ISAI 61:4

Bohpi a ry hapa suzy paduapathi aw ei ta, Roryhrapa ta khâ a y tyhpa suzy ama paduapathi aw. Khihpi rypazy paduapathi aw ei ta, Chhâ hluhpi roryhrapa ta a ypazy ama paduapathi aw.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.