NEHEMIAH 2:4 - Mara Bible RV (BSI)

⁴ Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

NEHEMIAH 2:4 ပူးပေါင်းရင်းမြစ်များ

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 2:20

Âmo cha a chhy ei na ta, ama hnohta, “Avâ Khazohpa ta vânoh miah a patosa aw. Keimo ano chakaotuhpazy thyu aw pi ta, khihpi he eima paduapathi aw. Nâmo deikua cha, Zerusale khihpi liana heta tovyuh nata biehneina nata a chhu thei awpa khâpa hmah hnei aw veih ei chi,” tah na ta.

NEHEMIAH 2:5

Abei hnohta, “Abei ta paryhsa sala, châ chakaotuhpa he na modypa ei châ khiahta cha, Zudâh râh liata nâ pathlatuhpazy thlâ yna khihpi lâ na pasiesa la, cha khihpi cha paduapathi awpa ta na pasaih mah y,” tah na ta.

ESTHERI 5:3

Abei ta a hnohta, “Khâpa bie rimâ maw, Beinô Estheri? Khâpa na hia khoh? Na hiapa cha piepa na châ aw, ei khinarâh khophie chhao ei cha pie aw,” tah ta.

ESTHERI 5:6

Pati nie khai tawhta kresawhti ama do hai nota, abei ta Estheri hnohta, “Khâpa na khoh? Piepa na châ aw. Khâpa na hia? Ei khinarâh khophie chhao châ sala, piepa na châ aw,” tah ta.

ESTHERI 7:2

A noh nona noh ta, pati nie khai tawhta kresawhti ama do hai nota, abei ta Estheri hnohta, “Khâpa na khoh, Beinô Estheri? Piepa na châ aw. Khâpa na hia? Ei khinarâh khophie chhao rai châ sala, piepa na châ aw,” tah heih ta.

HLAZY 136:26

Avâ Khazohpa hnohta alyna bie reih teh u, A kyhpachâna tlyzaw ta a daihpa a châ.

BIESOZY 3:6

Na lâpi zydua ano pahnosa lymâ la, Na lâpizy a patlâsa lymâ aw.

MÂKA 10:51

Zisu ta a hnohta, “Khâpa cha taopa awpa ma na khoh?” tah ta. Mochaopa ta a hnohta, “Pachutuhpa, mo pavâ awpa ei khoh,” tah ta.

HMOTAOPAZY 23:19

Pheisaih hyutuhpa ta a ku ta patu ta, ânano ta a chhi ta, “Khâpa bie na chho awpa ma na hnei?” tah ta, arulâta hiahri ta.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.