NEHEMIAH 2:3 - Mara Bible RV (BSI)

³ Abei hnohta, “Abei cha hroh kôzaw mawh sy! Nâ pathlatuhpazy thlâ yna khihpi cha roryhrapa ta y ta, a chhikaozy chhao mei ta a kâ khai nota, kheihta ma pachârôhna hmia phaoh leipa ta ei y thei aw,” tah na ta.

NEHEMIAH 2:3 ပူးပေါင်းရင်းမြစ်များ

1 ABEIZY 1:31

Bâsebâ cha a hmia alei lâ a khupa ta a bôh ta, abei cha a naoh ta, a hnohta, “Ei zibeipa Bei Dâvi cha chhâzaw ta hroh mawh sy!” tah ta.

2 ABEIZY 25:8

Babylaw bei Nebukaneza abeina kô hrawh hleichakina, cha kô thla pangawhna, noh sarina noh ta, Babylaw bei chakaotuhpa, abei vaituhpazy hyutuhpa Nebuzarâdâ cha Zerusale lâ a vy ta.

2 THÂTIHZYRONA 21:20

Zehôrâ cha â bei pathao nota kô sythôh nata kô nopa châ ta, Zerusale liata kô charie a bei ta, a thipa a pasaih leipa y veih ei. Dâvi khihpi liata pabu ei ta, abeizy thlâ su liata deikua châ vei.

2 THÂTIHZYRONA 28:27

Ahâza cha a pathlatuhpazy hnohta a mô ta, Zerusale khihpi liata ama pabu. Izarei beizy thlâsu liata pabu veih ei. A sawchapawpa Hezekia ta ano su liata â bei.

2 THÂTIHZYRONA 32:33

Hezekia cha a pathlatuhpazy hnohta a mô ta, Dâvi sawchapawzy thlâsu machhua lâta ama pabu. Zudâh râhsaw zydua nata Zerusale khihsaw zydua ta a thi noh ta rônah ngaitapa ta ama palyupalih. A sawchapawpa Manase ta ano su liata â bei.

2 THÂTIHZYRONA 36:19

Khazohpa o cha mei ta rao ei ta, Zerusale thokhy pacho ei ta, a chhôh liata abei o zydua mei ta rao ei ta, hmobaoh sôhpa zydua ama parao khai haw.

NEHEMIAH 1:3

Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

NEHEMIAH 2:13

Zâ ta pua na ta, Saikao Chhikao, Drâkao Tikhaoh nata Hnaihny Chhikao zy chapiapa ta sie na ta, Zerusale thokhy chopa nata mei ta a chhikao a kâpazy moh na ta.

ESTHERI 8:6

Ei chiheih chô liata chhiena a tlôpa hmô aw sah la, kheihta ei tao thei aw? Ei chiheihzy leidiapa hmô aw sah la, kheihta ei tao thei aw?” tah ta.

HLAZY 102:14

Châ chakaotuhpazy ta Zaio lôzy pasô ei ta, A dohlei chhao ama ngiachhie ngaita.

HLAZY 102:15

Phopizy ta Abeipa moh cha chi aw ei ta, Lei bei zydua ta na rônahna ama chi aw.

HLAZY 137:6

Nâ châ thei thlâh ha leipa ta, Ei lyna chaipa hlâta Zerusale ei cha khoh via leipa khiahta cha, Ei paleih he ei dâh liata a bai mawh sy!

HLAZY 38:7

Ei chai ei zôh thata palo ta, Ei sapa hriiah pathaih vei.

ZEREMIAH 52:12

Babylaw bei Nebukaneza abeina kô hrawh hleichakina, cha kô thla pangawhna, noh hrawhna noh liata, abei vaituhpazy hyutuhpa, Babylaw bei chakaotuhpa Nebuzarâdâ cha Zerusale a ngia ta.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

DÂNIAH 2:4

Kaldia mo chata abei hnohta Aramia reih ta, “Hy abei y, hroh kôzaw mah y! Na mâsapa cha châ chakaotuhpazy he chho la, eima chhopasia aw,” tah ei ta.

DÂNIAH 3:9

Bei Nebukaneza hnohta, “Hy abei y, hroh kôzaw mah y!

DÂNIAH 5:10

Abei nata beimachâzy biereipazy vâna chata abeinô cha kyhchhina o chhôh lâ a vaw ngia ta, abei hnohta, “Hy abei y, hroh kôzaw mah y! Na pachâpa ta cha patypamâ leipa sala, na hmia chhao hlâh hra khah sy.

DÂNIAH 6:21

Dâniah ta abei hnohta, “Hy abei y, hroh kôzaw mah y!

DÂNIAH 6:6

Hyutuh laipazy nata bia avaotuhpazy cha rei a paraohpa ta abei lâ vawh ei ta, a hnohta, “Hy Bei Dâria y, hroh kôzaw mah y!

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.