NEHEMIAH 2:17 - Mara Bible RV (BSI)

¹⁷ Ama hnohta, “Eima duahmo chhiezie he hmô ei chi ta, Zerusale cha roryhrapa ta y ta, a chhikaozy mei ta a kâ khai ha hih. A vy teh u, mohnaopa ta eima y khao lei nawpa ta, Zerusale thokhy he paduapathi suh u,” tah na ta.

NEHEMIAH 2:17 ပူးပေါင်းရင်းမြစ်များ

EZRÂ 9:9

Seizy châ pi ta, châhrasala eima Khazohpa cha eima seichâna liata miah a heihsai vei. Persia beizy hmiakô liata eima chô liata a zawngiahna a palâsa. Eima Khazohpa o padua ta, a raonazy taopathi awpa ta, eima seichâna tawhta miah pahua ta, Zudâh nata Zerusale liata abohna thokhyzy miah a taopa.

NEHEMIAH 1:3

Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

NEHEMIAH 2:13

Zâ ta pua na ta, Saikao Chhikao, Drâkao Tikhaoh nata Hnaihny Chhikao zy chapiapa ta sie na ta, Zerusale thokhy chopa nata mei ta a chhikao a kâpazy moh na ta.

NEHEMIAH 2:16

Khihpi ryureituhpazy ta khataih lâ ma sie na ta, khâpa ma ei tao tahpa pahno veih ei. Zuzy, theihthaipazy, nôpawpazy, beimachâzy nata raihria awpa mohropazy chhao chho mâh tlâ veih ei na.

NEHEMIAH 3:15

Kôhôzeh sawchapawpa, Mizpâ bia ryureituhpa Sâluh ta Tihnawh Chhikao taopathi ta. Tihnawh Chhikao cha paduapathi ta, a chô khu ta, a ochhizy, a hrainazy nata a lâhreizy a tao. Abei sadô liata Selâh Tipo dôhna chhao taopathi ta, Dâvi khihpi tawhta a chôpa hleidy taihta a taopathi.

HLAZY 102:15

Phopizy ta Abeipa moh cha chi aw ei ta, Lei bei zydua ta na rônahna ama chi aw.

HLAZY 44:13

Eima opazy pahneisao awpa ta miah tao chi ta, Eima kiapâh liata a ypazy ta mohnaopa ta, Ama pasipasawh awpa ta miah na tao haw.

HLAZY 44:14

Râhzy liata chhiena lâta rei tyh awpa ta miah tao chi ta, Phopizy luh chahuah chie awpa ta miah na tao haw.

HLAZY 79:12

Hy Abeipa, eima chheipâh râhzy ta ama cha pasipasawhnazy kha, A lie sari ta ama chô liata viari thô mah y!

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

CHAPHÔHTUNA 2:2

Abeipa ta zawngiahna rai hnei leipa ta palâ ta, Zakaw pahrâna su zydua a palâ khai haw; A pathiiana ta parao ta, Zudâh sawchanô thokhyzy a parao khai haw; Khinarâh nata a beimachâzy chhao, Nohzaopa ta a panawh khai ha ei.

CHAPHÔHTUNA 3:51

Ei khihpi sawchanô zydua vâchhiena ei hmôpa ta, Ei pachâ thata a parôhsa.

EZEKIA 5:14

“Roryhrapa ta cha tao aw na ta, na chheipâh phopi zydua hry liata nata châ chapiapa zydua mohmô liata mohnaochhihpa ta ei cha tao aw.

MIKÂ 7:11

Na thokhyzy chhôh nawpa noh a vaw tlô hai! Cha noh liata na râhri pakawhpa a châ aw.

1 SAMUELA 11:2

Amawna chyhsa Nahâsâ ta ama hnohta, “He hawhta nama paryhsa khiahta cha, nama hnohta bie ei hraih aw: nama zydua mokhaoh chachâh lâ thaoh khai aw na ta, cha cha Izarei zydua chô liata nohzaona ei patlôsapa a châ aw,” tah ta.