NEHEMIAH 2:10 - Mara Bible RV (BSI)

¹⁰ Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 2:10 ပူးပေါင်းရင်းမြစ်များ

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 13:4

Eima Khazohpa o chhôhpadâhpazy mohôhtuhpa ta raopa theihthaipa Eliasi cha Tôbia nata azaona a hneipa châ ta, ano chata cha hmozy a y hlâta,

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.

NEHEMIAH 6:16

Thokhy palohna thâtih cha eima chariahpazy ta ama thei nahta, eima Khazohpa baona ta palohpa a châzie ama pahnopa vâta, eima chheipâh phopi zydua cha chi ngaita ei ta, âmosasyh angâna chhao a tlapahnai khai haw.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

HLAZY 112:10

Moleipa ta cha cha hmô aw ta, A hie a hâh ngaita aw; A hâh charieh aw ta, A zao khai ha haw; Moleipa khona cha a leidia aw.

BIESOZY 27:4

Hiehâhna cha a nôchhie ta, pathiiana chhao â tlao, Châhrasala ahy ma hiatliana hmiakô liata a duah thei aw?

BIESOZY 30:22

Sei ta bei a châ tita, Ahrupa ta niedo lôhrâtlôpa ta a y tita,

BIECHHOTUHPA 10:7

Arâ chô liata seizy hmô na ta, seizy hawhta alei liata abeizy ama siepa ei hmô.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ZEREMIAH 41:10

Pheisaih hyutuhpa Nebuzarâdâ ta Ahikâ sawchapawpa Kedaliah ryureina ry liata y awpa ta Mizpâ liata a siesaipa mohropa zydua cha, abei sawchanôzy chhaota, Ismela ta sei ta â chhi ha ei. Nethaniah sawchapawpa Ismela ta âmo cha sei ta patu ta, Amawna râh lâ a siekhei ha ei.

ZEREMIAH 48:34

“Hesbaw nata Elialeh liata awh ei ta, Zahâ taihta ama ao ama papua; Zawâ tawhta awh ei ta, Hôrônai tai nata Ekalâselisia taihta ama ao ama papua. Niri tizy chhao roryhrapa ta a y haw.

ZEREMIAH 48:5

Chana chôta Luhi chakhâ kiah ei ta, Raona vâta nôpona ao chhaota Hôrônai chhutla ama chô.

HMOTAOPAZY 4:2

Zawpi pachu ei ta, Zisu vâta athihpa hry tawhta thyuheihna kyh ama reipa vâta, ama palôh châ lei ngaita ta.

HMOTAOPAZY 5:24

Achhyna o hyutuhpa nata theihthai beizy ta cha biezy cha ama thei nahta, kheihta ma a châ tly, tahpa pachâpa ta, a tymâ kaw ei ta.