NEHEMIAH 2:1 - Mara Bible RV (BSI)

¹ Bei Âtazezia â beina kô kihna, Nisan thla liata, a hmiakô liata kresawhti ama vaw so nahta, kresawhti cha la na ta, abei pie na ta. Cha hlâta a hmiakô liata pachârôhna hmia phaoh beih leipa na ta.

NEHEMIAH 2:1 ပူးပေါင်းရင်းမြစ်များ

ÂTHAONA 40:11

Phiraoh nyu ei ku liata chaba na ta, kre theizy cha lyu na ta, Phiraoh nyu liata saoh na ta, nyu cha Phiraoh ku liata ei kei hlâ,” tah ta.

ÂTHAONA 40:21

Nyu hlâtuhpazy hyutuhpa cha, a raihria tyhpa liata padua heih ta, Phiraoh ku liata nyu hlâ heih ta.

EZRÂ 4:7

Âtazezia â bei nota, Bislâ, Mitharedâ, Tabe nata ama hrialâhpazy ta Persia bei Âtazezia lâ châ paphao ei ta. Ama châ ropa cha Aramia reih ta ropa nata paliepa a châ.

EZRÂ 7:1

Cha hnôhlâ ta, Persia bei Âtazezia â bei nota, Ezrâ cha Babylaw tawhta Zerusale lâ khy ta. Ezrâ cha Seriah sawchapawpa châ ta, Seriah cha Azariah sawchapawpa châ ta, Azariah cha Hikia sawchapawpa châ ta,

EZRÂ 7:7

Bei Âtazezia â beina kô sarina liata, Izarei saw thokhazy, theihthaipa nata Livai pathla thokhazy, hlasathaipazy, chhikao vaituhpazy nata Achhyna o chakaotuhpazy Zerusale lâ khy hra ei ta.

NEHEMIAH 1:1

Hezy he Hâkaliah sawchapawpa Nehemiah biezy a châ. Kô kihna, Kislev thla liata, Susâ liata abei o liata ei y nota,

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

ESTHERI 3:7

Bei Ahasuarâ abeina kô hrawh hleinona, thla khana, Nisan thla liata, Hâmâ hmiakô liata noh chareih Puri pachao ei ta. Puri pachaopa cha nuby a daopa a châ. Nuby cha thla chareih ta a dao ei ta, thla hrawh hleinona Adar thla taihta amâ dao.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.