NEHEMIAH 13:6 - Mara Bible RV (BSI)

⁶ Cha hawhta hmo a y nota, kei cha Zerusale liata y leipa na ta. Babylaw bei Âtazezia abeina kô sythôh nata kô nona liata, abei a hmô awpa ta ei sie chhôh a châ. Noh khazie tlyma ei y tawhta, sie heih awpa ta abei cha hiah na ta.

NEHEMIAH 13:6 ပူးပေါင်းရင်းမြစ်များ

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

NEHEMIAH 2:1

Bei Âtazezia â beina kô kihna, Nisan thla liata, a hmiakô liata kresawhti ama vaw so nahta, kresawhti cha la na ta, abei pie na ta. Cha hlâta a hmiakô liata pachârôhna hmia phaoh beih leipa na ta.

NEHEMIAH 5:14

Cha dei châ vei, Zudâh râh a vaotuhpa ta raopa ei châ rakha tawhta, Bei Âtazezia â beina kô kihna tawhta kô sythôh nata kô nona taihta, kô hrawh hleino chhôh, kei nata ei unawhzy ta râhvaotuhpa tovyuh niedozy nie ma pi.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

MATHAI 13:25

A chyhsazy amâ mô chhôh ta, a chariahpa a vy ta, sâh hry liata sâh pakheipa hie ta, sie syulyu ha ta.