NEHEMIAH 13:4 - Mara Bible RV (BSI)

⁴ Eima Khazohpa o chhôhpadâhpazy mohôhtuhpa ta raopa theihthaipa Eliasi cha Tôbia nata azaona a hneipa châ ta, ano chata cha hmozy a y hlâta,

NEHEMIAH 13:4 ပူးပေါင်းရင်းမြစ်များ

NEHEMIAH 12:10

Zesua cha Zôki paw châ ta, Zôki cha Eliasi paw châ ta, Eliasi cha Zôiadâ paw châ ta,

NEHEMIAH 12:44

Cha daihti liata, hmo sona chhôhpadâhpazy, thyunazy, thei hmiatuapazy nata su hrawh su khazy mohôhtuhpazy raopa châ ei ta. Âmo cha ryhpa ta â hnawpa hawhta, khih to lyuzy tawhta theihthaipazy nata Livai pathlazy tovyuh ama piepazy pahmaoh ta a mohôh awpazy ama châ. Zudâh mo cha theihthaipazy nata Livai pathlazy chakaona liata amâ ly ngaitapa vâta, theihthaipazy nata Livai pathlazy tovyuh ama pie tyh.

NEHEMIAH 13:28

Theihthai beichaipa Eliasi sawchapawpa Zehôdâ sawchapawpa pakha cha, Hôrô chyhsa Sanbâlâ piahpa châ ta. Chavâta ano cha keima tawhta ei papua haw.

NEHEMIAH 2:10

Cha thâtih cha Hôrô chyhsa Sanbâlâ nata Amawna chyhsa molaipa Tôbia ta ama vaw thei nahta, Izarei sawzy châta phana tao awpa ta a vaw tlô awpazy thâtih ta âmo cha palysa lei kaw ta.

NEHEMIAH 3:1

Theihthai beichaipa Eliasi nata theihthaipa chakaona rai a hrialâhpazy thyu ei ta, Mietaku Chhikao paduapathi ei ta. Abeipa lâ hlâ ei ta, a ochhizy tao ei ta. Zakha Osâhpa nata Hânane Osâhpa tlôna taihta thokhy cha paduapathi ei ta, Abeipa lâ ama hlâ.

NEHEMIAH 6:1

Chatawhcha Sanbâlâ, Tôbia, Arabia chyhsa Kese nata eima chariah hropazy ta thokhy ei paduapathi khai hapa nata a pyupa rai a y khao leipa thâtih vaw thei ei ta. Thokhy chhikao ochhizy deikua tao mâh va na.