NEHEMIAH 13:31 - Mara Bible RV (BSI)

³¹ Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

NEHEMIAH 13:31 ပူးပေါင်းရင်းမြစ်များ

NEHEMIAH 10:34

Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

NEHEMIAH 10:35

Kô chareih eima chhaohlei a pathei tuapazy nata tho thei a pathei tuapa maih Abeipa o lâ eima cheih lymâ aw.

NEHEMIAH 10:38

Livai pathlazy ta su hrawh su kha ama dao nota, Arawna pathla theihthaipa cha Livai pathlazy hnohta a y awpa a châ. Su hrawh su kha liata su hrawh su kha pachhuahpa cha, Livai pathlazy ta eima Khazohpa o liata sôh sona chhôhpadâhpa liata ama soh lymâ aw.

NEHEMIAH 13:14

Hy ei Khazohpa, he kyh liana heta nâ thei thlâh ha la, ei Khazohpa o nata a chakaona châta ei hmotao phapazy he pahlei khah y.

NEHEMIAH 13:22

Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

NEHEMIAH 5:19

Hy ei Khazohpa y, he phopi châta ei hmotaopa zydua he, ei pha nawpa ta a thei thlâh ha mah y.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 25:7

Ei thyutlia nota moleina nata paraonazy a thei leipa la, Na ngâchhihna vâta nâ thei la, Hy Abeipa, na phana vâta nâ thei mah y!

LUKA 23:42

Chatawhcha Zisu hnohta, “Zisu, na khinarâh na tlô tita nâ thei mah y,” tah ta.