NEHEMIAH 13:23 - Mara Bible RV (BSI)

²³ Cha nohzy liata, Asadô chanôzy, Amawna chanôzy nata Môabâ cha­nôzy lapinô ta a hneipa Zu chyhsazy hmô na ta.

NEHEMIAH 13:23 ပူးပေါင်းရင်းမြစ်များ

1 ABEIZY 11:1

Sawlawmaw ta Phiraoh sawchanô thota, chihropa chanô hluhpi, Môabâ zuahzy, Amawna zuahzy, Edômâ zuahzy, Sidaw zuahzy, Hiti zuahzy khoh ta.

EZRÂ 10:10

Theihthaipa Ezrâ a kaw duah ta, ama hnohta, “Ngâchhihna pahlei ei chi ta, chihropa chanô nama hneipa vâta, Izarei thaileichâna papôhsapa a châ.

EZRÂ 10:44

Cha zydua cha chihropa chanô lapinô ta a hneipazy châ ei ta, ama lapinôzy cha ama sawzy chhaota ama pasiesa haw.

NEHEMIAH 10:30

“He râh liata a pahrâpa phopi hropazy cha eima sawchanôzy pahneisa leipa aw pi ta, eima sawchapawzy châta ama sawchanôzy hiah aw ma pi.

NEHEMIAH 10:31

He râh liata a pahrâ phopi hropazy ta Pahânoh ta hmobaoh nata sâh zy vaw phaoh ei sala, ama zuah khiahta cha, Pahânoh liata tlyma, noh pathaihpa noh liata tlyma cha, âmo tawhta chalei aw ma pi. Kô sarina liata cha, lyu liata chi cheih leipa aw pi ta, leih miah a bâhpazy eimâ ngiahthai khai aw.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 13:24

Ama saw khophiezy cha Asadô reih tlao cheih ei ta, Zudâh reih cheih thei leipa ei ta, ama nôzy reih tlao ama chei khai haw.

NEHEMIAH 13:27

Cha hawhta a châ khiahta cha, nama bie nathliepa ta, chihropa chanôzy lapinô ta hneipa moleina lai ngaitapa taopa ta, eima Khazohpa chô liata ngâchhih leipa ta eima y aw ma” tah na ta.

NEHEMIAH 4:7

Zerusale thokhy taopathina raihria cha a hmasie lymâ ta, a raonazy pamai pathaopa a châ tahpa Sanbâlâ, Tôbia, Arabia mo, Amawna mo nata Asadô mozy ta ama thei nahta, ama hiehâh ngaita ta.

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

2 KAWRINI 6:14

Ngiapâleipazy nata raopaky a ky khoh khuh vy. Siana nata moleina ta khâpa a hly theipa ama hnei? Khaihna nata zohna ta khâpa akaona ama hnei?

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

RUTHI 1:4

A sawchapawzy ta Môabâ zuahzy lapinô ta hnei ei ta, pakhanô moh cha Ôpâ châ ta, ahropa moh cha Ruthi a châ. Cha liata kô hrawh rachhôh ama y tawhta,

1 SAMUELA 5:1

Philistinâ mo ta Khazohpa Byh cha patu ei ta, Ebeneza tawhta Asadô khihpi lâ siekhei ei ta.