NEHEMIAH 13:22 - Mara Bible RV (BSI)

²² Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

NEHEMIAH 13:22 ပူးပေါင်းရင်းမြစ်များ

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 THÂTIHZYRONA 29:24

Theihthaipazy ta miezy cha thie ei ta, ama thisaih chhaota maisâh liata moleina hlâna ta hlâ ei ta, Izarei saw zydua châta chatlaina ama tao. Izarei saw zydua châta raopa hlâna nata moleina hlâna tao awpa ta, abei biepiepa hawhta ama tao.

2 THÂTIHZYRONA 29:27

Hezekia ta raopa hlâna cha maisâh liata hlâ awpa ta biepie ta. Raopa hlâna hlâ pathaopa a châpa nahta, chiahmiezy nata Izarei bei Dâvi pyungiapa chhaichhizy tôpa ta, Abeipa lâta hla sa pathao ei ta.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

NEHEMIAH 12:10

Zesua cha Zôki paw châ ta, Zôki cha Eliasi paw châ ta, Eliasi cha Zôiadâ paw châ ta,

NEHEMIAH 12:30

Theihthaipazy nata Livai pathlazy cha a pathai ei ta, zawpizy nata chhikaozy nata thokhy chhao ama pathai.

NEHEMIAH 13:14

Hy ei Khazohpa, he kyh liana heta nâ thei thlâh ha la, ei Khazohpa o nata a chakaona châta ei hmotao phapazy he pahlei khah y.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

NEHEMIAH 5:19

Hy ei Khazohpa y, he phopi châta ei hmotaopa zydua he, ei pha nawpa ta a thei thlâh ha mah y.

HLAZY 130:7

Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

RYHPACHANEINA 5:12

“Abeipa na Khazohpa ta bie a cha piepa hawhta, Pahânoh pathaisa aw chi ta, na chay awpa a châ.