NEHEMIAH 13:2 - Mara Bible RV (BSI)

² Izarei sawzy Izi râh tawhta ama kaw pua nona khata, viahchhâ nata ti zy ta vaw dy leipa ei ta, Izarei sawzy chô liata Bâlâma chhie ama pasasapa vâta a châ. Châhrasala eima Khazohpa ta ama chhiesana cha byhnâ ta tlao a pachâsa haw.

NEHEMIAH 13:2 ပူးပေါင်းရင်းမြစ်များ

HLAZY 109:28

Âmo cha chhiesatuhpa châ ei sala, Nâ deikua cha byhnâ pietuhpa châ mah y! Ama thyu tita maophyuhpa ta y ei sala, Châ chakaotuhpa deikua cha thaphapa ta y mawh sy!

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

MALUHREINA 23:18

Bâlâma ta a bie daopa cha thaoh ta, “Hy Bâlâka, thyu la, nathlie teh, Zipô sawchapawpa y, ei bie he nathlie mah y.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

RYHPACHANEINA 23:3

“Amawna chyhsa tlyma, Môabâ chyhsa tlyma cha Abeipa pakhypi liata â hlao awpa châ vei. Ama pathlazy chhâ hrawhna taihta khati ta hmahta Abeipa pakhypi liata amâ hlao awpa châ vei.

RYHPACHANEINA 23:4

Izi râh tawhta nama kaw pua nota, viahchhâ nata ti ta ama cha dy leipa vâta nata chhie cha sapa awpa ta Mesôpôtamia râh Pethô khih liata Beô sawchapawpa Bâlâma ama hruapa vâta, Abeipa pakhypi liata amâ hlao awpa châ vei.

RYHPACHANEINA 23:5

Châhrasala Abeipa nama Khazohpa ta Bâlâma cha nathlie khoh vei. Abeipa nama Khazohpa ta kyh a cha pachâpa vâ ei ta, chhiesana cha nama châta byhnâ ta tlao a pachâsa haw.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.