NEHEMIAH 12:44 - Mara Bible RV (BSI)

⁴⁴ Cha daihti liata, hmo sona chhôhpadâhpazy, thyunazy, thei hmiatuapazy nata su hrawh su khazy mohôhtuhpazy raopa châ ei ta. Âmo cha ryhpa ta â hnawpa hawhta, khih to lyuzy tawhta theihthaipazy nata Livai pathlazy tovyuh ama piepazy pahmaoh ta a mohôh awpazy ama châ. Zudâh mo cha theihthaipazy nata Livai pathlazy chakaona liata amâ ly ngaitapa vâta, theihthaipazy nata Livai pathlazy tovyuh ama pie tyh.

NEHEMIAH 12:44 ပူးပေါင်းရင်းမြစ်များ

1 THÂTIHZYRONA 23:28

Ama maophaohna cha Abeipa o chakaona raihria liata Arawna sawchapawzy bao awpa châ ta, tlyhmiazy nata chhôhpadâhpazy mohôh ei ta, hmo pathaihpa zydua pasi tyh ei ta, Khazohpa o liata chakaona rai hropazy ama hria tyh.

1 THÂTIHZYRONA 26:20

Livai pathla Ahiza cha Khazohpa sôh sopakhyna o nata hmo pathaihpa sopakhyna o vaituhpa a châ.

1 THÂTIHZYRONA 9:26

Chhikao vaituhpa hyutuh chaipa papalihzy cha Livai pathlazy châ ei ta, Khazohpa o chhôhpadâhpazy nata sôh sona mohôhna kyh liata maophaohnazy piepa ama châ.

NEHEMIAH 10:36

Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

BIESOZY 8:34

Noh chareih ta ei chhikaozy lâ a vypa ta, Ei dôhpachhôh ochhizy liata hâ tyh ta, Ei bie a nathlie tyhpa cha a nohlao na.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

MALUHREINA 3:10

Arawna nata a sawchapawzy cha theihthaipa châta rao aw chi ta, ama theihthai châna ama pazao lymâ aw. Khôtho chyhsa ta theihthaipa chakaona rai hria awpa ta achhyna byureih â hnia khiahta cha, thie awpa a châ,” tah ta.

RAWMA 12:7

chakao awpa a châ khiahta cha chakao sih la, pachutuhpa ta pachu sala,

RYHPACHANEINA 18:8

A paw ryu a zuapa tawhta sôh a hmôpa thota, theihthaipazy tovyuh awpazy a to pâ aw.