NEHEMIAH 12:43 - Mara Bible RV (BSI)

⁴³ Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

NEHEMIAH 12:43 ပူးပေါင်းရင်းမြစ်များ

2 THÂTIHZYRONA 20:13

Zudâh pathla zydua cha ama hawti chyhpatazy, ama lapinôzy nata ama sawzy chhaota Abeipa hmiakô liata a duah ei ta.

2 THÂTIHZYRONA 20:27

Chatanachata Zudâh nata Zerusale chyhsa zydua cha, Zehôsaphâ chhihthana ry liata thapha ngaitapa ta Zerusale lâ a lie ei ta. Ama chariahzy kyh liata Abeipa ta thapha ngaitapa ta a paysa ha ei.

2 THÂTIHZYRONA 7:10

Thla sarina, noh kih nata noh thôhna noh ta, zawpizy cha ama o lâ chyu padisa ta. Abeipa ta Dâvi nata Sawlawmaw nata a phopi Izarei sawzy chô liata a phana a palâsapa zydua vâta, alypa nata thaphapa ta ama o lâ chyu a di ha ei ta.

EZRÂ 3:13

Zawpizy cha ao paro ngaitapa ta awh ei ta, lâhlapi tawhta ama pyu thei theipa a châ. Chavâta chyhsazy ta alyna vâta awhpa ao ma, zawpi chapa ao ma tahpa chhao pachhaih thei khao veih ei.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

NEHEMIAH 12:42

Mâsei, Se­miah, Eliaza, Uzizi, Zehôhanâ, Mâkia, Elâmi nata Eze zy ama y hra. Hlasathaipazy ta Zezrâhia chhihthana ry liata ao paro ngaitapa ta hla sa ei ta.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 27:6

Nâ chadôtuhpa ei chariahpazy chô lâ ta, Ei luh chaluahpa ta y aw ta; Abeipa poh o liata, A lypa ta awh aw na ta, atheihna ei hlâ aw.

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 9:2

Nâma liata thaphapa ta a ly aw na ta, Hy Chônôchaipa, na moh reithaina hla ei sa aw.

HLAZY 92:4

Hy Abeipa, na raihria vâta ei thapha ta, Na ku raihriazy vâta alyna hla ei sa.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

MALUHREINA 10:10

Nama thaphana noh liata zy, nama kyhchhi daihti raopa liata zy, nama thla thiehpa liata zy, nama raopa hlâna nata nama aryhna hlâna atheihna liata zy chiahmie nama tô awpa a châ. Hezy he nâmo châta nama Khazohpa hmiakô liata atheithlâhna châta a châ aw: Kei he Abeipa nama Khazohpa ei châ.”

MATHAI 21:15

Hmonoâhpa a taopazy nata hawtipazy ta Achhyna o liata, “Dâvi Sawchapawpa hnohta Haozanâ!” tahpa ta ama awhpa cha, theihthai beizy nata Ryhpa pachutuhpazy taama hmô nahta, ama palôh châ lei kaw ta,

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

EPHESI 5:19

Reithaina hlazy, Khazohpa hlazy, thlahpa hlazy ta bie a chho raihrie u la, nama pathipalôh ta Abeipa lâ hla sapa ta, totâ tô teh u.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

1 SAMUELA 4:5

Abeipa Biehrai Byh cha riehmo a vaw tlô nahta, Izarei zydua cha alei a chalyu ngâna taihta a paro ngaitapa ta awh ei ta.