NEHEMIAH 12:27 - Mara Bible RV (BSI)

²⁷ Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

NEHEMIAH 12:27 ပူးပေါင်းရင်းမြစ်များ

2 SAMUELA 6:12

“Kha­zohpa Byh vâta Ôbededô chhôhkha nata a hneipa zydua Abeipa ta byhnâ a pie,” tahpa ta Bei Dâvi cha chho ei ta. Chavâta Dâvi cha sie ta, Khazohpa Byh cha Ôbededô o tawhta Dâvi khihpi lâ a ly ngaitapa ta za phaoh ta.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 THÂTIHZYRONA 13:8

Dâvi nata Izarei saw zydua cha hlasapa ta, totâzy, tlaipihzy, khoh chyhpazy, paotlâzy, chiahmiezy tôpa ta Khazohpa hmiakô liata ama theina zydua papuapa ta palyupalihna tao ei ta.

1 THÂTIHZYRONA 15:12

ama hnohta, “Nâmo cha Livai chi pawhrâh chaipazy nama châ. Abeipa, Izarei Khazohpa Byh cha a su ei chhuanohpa lâ namâ vaw sy thei nawpa ta, nâmo nata nama unawhzy a pathai teh u.

1 THÂTIHZYRONA 15:16

Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 15:4

Dâvi ta Arawna pathlazy nata Livai pathlazy tawhta a awpakhypazy cha,

1 THÂTIHZYRONA 16:42

Hemâ nata Zeduthu cha pyungiapa châta chiahmiezy nata paotlâzy hnei ei ta, Khazohpa hla sa nawpa ta chhaichhizy ama hnei. Chhikao vaituhpazy châta Zeduthu sawchapawzy rao­pa ama châ.

1 THÂTIHZYRONA 16:5

Hyutuh chaipa cha Asâpha châ ta, a pazipazy cha Zekariah, Zeili, Semiramô, Zehie, Mâtithiah, Eliabâ, Benai, Ôbededô nata Zeili zy châ ei ta, âmo cha tlaipih nata totâ a tô thaipazy ama châ. Asâpha cha paotlâ tôtuhpa châ ta,

1 THÂTIHZYRONA 23:5

4,000 chhikao vaituhpazy châ aw ei ta, 4,000 zy cha reithaina hla sa nawpa ta pyungiapa chhaichhi ei taopazy hmâpa ta Abeipa lâta reithaina hla satuhpazy ama châ aw,” tah ta.

1 THÂTIHZYRONA 26:31

Hebraw pathla chhâzy a laichadaina liata, Zeriza cha Hebraw pathlazy hry liata pawhrâh chaipa a châ. Dâvi abeina kô sypalihna kô ta Hebraw pathlazy cha tluapa châ ei ta, Kilia râh liata Zaze khihpi liata Hebraw pathla thatlô riahphapazy hmôpa ama châ.

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

EZRÂ 6:16

Izarei sawzy, theihthaipazy, Livai pathlazy nata seichâna tawhta a vaw kuapazy ta a ly ngaitapa ta Khazohpa o cha ama hlâ.

NEHEMIAH 11:20

Izarei saw hropazy nata theihthaipa nata Livai pathla hropazy cha Zudâh râh liata ama khihzy liata ama ryuto râh chyu liata ama pahrâ.

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

NEHEMIAH 8:17

Seichâna tawhta a vaw kuapa zawpi zydua ta byureihzy tu ei ta, byureihzy liana cha pahrâ ei ta. Nunâ sawchapawpa Zawsua daihti tawhta, cha noh taihta, Izarei sawzy ta byureih kyhchhi vaw hmâh khao leipa ei ta. Chavâta byureih kyhchhi ama hmâ theipa cha amâ ly ngaita.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 30:1

Hy Abeipa, na chaluah chi ta, Ei khakhaipazy alyna ta eina tao leipa vâ chi ta, Ei cha palyupalih.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 20:5

Cha khai tawhta hyutuhpazy ta zawpi hnohta bie reih aw ei ta, ama hnohta, ‘O thiehpa sa ta a hlâ mâh leipa nama y ma? Kua sala a o lâ a di mawh sy. Chataleipatala adyuhna liata thi pathlei aw ta, chyhsa hropa ta a o cha a to pathlei aw.

PHILIPI 4:4

Abeipa liata khâ a ly teh u; ei tah heih aw, a ly teh u.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.