NEHEMIAH 12:25 - Mara Bible RV (BSI)

²⁵ Mâtaniah, Bâbukiah, Ôbadia, Mesulâ, Talmô nata Aku zy cha chhikao vaituhpazy châ ei ta, chhikao kiapâh liata hmo sona ozy vaituhpa ama châ.

NEHEMIAH 12:25 ပူးပေါင်းရင်းမြစ်များ

2 ABEIZY 7:10

Vawh ei ta, khihpi ochhi vaituhpazy awsao ei ta, ama hnohta, “Aramia mo riehmo lâ vawh pi ta, cha liata ahy hmah vaw y leipa ei ta, chyhsa pyu rai y leipa ta, arâzy nata alâzy deita hraipa ta y ei ta, poh ozy cha a y ualuapa ta a vaw y thlâh haw,” tah ei ta.

1 THÂTIHZYRONA 23:32

Ahmaohna poh o nata su pathaihpa mohôhna kyh liata chhao maophaohna piepa châ ei ta, Abeipa o chakaona raihria liata Arawna sawchapawzy nata ama unawhzy ama bao tyh.

1 THÂTIHZYRONA 26:12

Chhikao vaituhpa pyzy cha, ama unawhzy taozie hawhta, ama pawhrâhpazy moh zipa ta, Abeipa o liata chakaona raihria châta maophaohna raipa ama châ.

1 THÂTIHZYRONA 26:15

Ôbededô vai awpa cha chho chhikao châ ta, a sawchapawzy cha hmo sopakhyna o vaih awpa ta maophaohna piepa ama châ.

1 THÂTIHZYRONA 26:17

Nochhi chhikao cha noh chareih ta pacharu ta vaih ei ta, maw chhikao cha noh chareih papalih ta vaih ei ta, chho chhikao chhao noh chareih papalih ta vaih hra ei ta, hmo sopakhyna o vaituhpa châta pano lymâ ta raopa ama châ.

2 THÂTIHZYRONA 8:14

A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

ISAI 21:8

Riahvaituhpa cha chakeibarôhneipa hawhta awh ta, “Hy Abeipa, riahvaina o sâhpa liata, Noh y ta a duah na ta; Ei vaina su liata, Zâ khihdei ta ei y.