NEHEMIAH 12:24 - Mara Bible RV (BSI)

²⁴ Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

NEHEMIAH 12:24 ပူးပေါင်းရင်းမြစ်များ

1 ABEIZY 17:24

Chanô ta Elaizâh hnohta, “Tahmâ la Khazohpa chyhsa châ chi ta, na pakah liata Abeipa bie cha biehmeiseihpa a châ tahpa ei pahno haw,” tah ta.

1 THÂTIHZYRONA 16:4

Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

2 THÂTIHZYRONA 8:14

A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

EZRÂ 2:40

Livai pathlazy hry liata Hôdaviah pathla Zesua nata Kâdamie pathlazy tawhta 74 amâ vaw lie.

NEHEMIAH 11:17

Mikâ sawchapawpa Mâtaniah chhao Zerusale liata a pahrâ. Mâtaniah cha Zabidi sawchapawpa châ ta, Zabidi cha Asâpha sawchapawpa a châ. Asâpha cha reithaina hla chhituhpa châ ta, alyna bie a reih tyhpa a châ. A pilâhpazy hry liata a panona Bâbukiah nata Sâmua sawchapawpa Abadâ zy chhao Zerusale liata ama pahrâ hra. Sâmua cha Kalâ sawchapawpa châ ta, Kalâ cha Zeduthu sawchapawpa a châ.

NEHEMIAH 12:23

Livai pathla pawhrâhpazy moh cha, Eliasi sawchapawpa Zôhanâ daihti taihta, thâtihzy rona châbu liata ropa a châ.

NEHEMIAH 12:36

Zekaria heinawhzy chhao sie hra ei ta, chazy cha Semiah, Azare, Milâlai, Kilâlai, Mâai, Nethane, Zudâh nata Hânani zy ama châ. Khazohpa chyhsa Dâvi tô tyhpa pyungiapa chhaichhizy chhaota sie ei ta, chârohtuhpa Ezrâ ta hmia â sah.

NEHEMIAH 8:7

Zawpizy amâ duana su liata amâ dua thlâh ha nota, Livai pathlazy, Zesua, Bâni, Serebiah, Zami, Aku, Sabethai, Hôdiah, Mâsei, Kelitâ, Azariah, Zôzabâ, Hâna nata Pelai zy ta zawpizy cha Ryhpa ama pahno thei nawpa ta pachu ei ta.

NEHEMIAH 9:4

Livai hleidy liata Zesua, Bâni, Kâdamie, Sebaniah, Buni, Serebiah, Bâni nata Kenani zy a duah ei ta, ao paro ngaitapa ta Abeipa ama Khazohpa pado ei ta.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

2 TIMAWTHY 3:17

Chatanachata Khazohpa chyhsa cha pakipa ta y aw ta, raihria phapa to châta tobipa ta a y aw.

ZAWSUA 14:6

Zudâh pathlazy ta Kilkal liata Zawsua lâ a vy ei ta. Keniza chyhsa Zephune sawchapawpa Kâlebâ ta Zawsua hnohta, “Abeipa ta Kâdesbânia liata Khazohpa chyhsa Mawsi hnohta nâma nata keima kyh liata a reipa kha na pahno.