NEHEMIAH 11:22 - Mara Bible RV (BSI)

²² Zerusale liata Livai pathlazy hyutuhpa cha Bâni sawchapawpa Uzizi a châ. Bâni cha Hâsabiah sawchapawpa châ ta, Hâsabiah cha Mâtaniah sawchapawpa châ ta, Mâtaniah cha Mikhâ sawchapawpa châ ta, Mikâ cha Asâpha pathlazy hry liatapa a châ. Asâpha pathlazy cha hlasathaipazy châ ei ta, Khazohpa o raihria mohôhtuhpazy ama châ.

NEHEMIAH 11:22 ပူးပေါင်းရင်းမြစ်များ

2 SAMUELA 9:12

Mephibôse cha sawchapawpa thyutliapa pakha, a moh Mikhâ ama tahpa hnei ta. Chatanachata Zibâ o liata a pahrâpa zydua cha Mephibôse chakaotuhpa ta y khai ha ei ta.

EZRÂ 8:19

Hâsabiah nata Merâri pathlazy tawhta Zesai nata a heinawhzy nata ama sawchapawzy pakih vaw sie hra ei ta.

NEHEMIAH 10:11

Mikhâ, Rehô, Hâsabiah,

NEHEMIAH 10:13

Hôdiah, Bâni nata Beninu zy ama châ.

NEHEMIAH 11:11

Hikia sawchapawpa Seriah zy ama châ. Hikia cha Mesulâ sawchapawpa châ ta, Mesulâ cha Zadô sawchapawpa châ ta, Zadô cha Meraiô sawchapawpa châ ta, Meraiô cha Khazohpa o liata ryureituhpa Ahitu sawchapaw­pa a châ.

NEHEMIAH 11:14

ama unawhzy chhaota pasaipha 128 châ ei ta, ama hyutuhpa cha Hakedôli sawchapawpa Zabadie a châ.

NEHEMIAH 11:9

Zikari sawchapawpa Zôela cha ama hyutuhpa châ ta, Hâsenuah sawchapawpa Zudâh cha khihpi hyutuhpa panona a châ.

NEHEMIAH 12:35

A pazipa ta theihthaipazy pathla chiahmie tôtuhpazy hry liatapa Zawnathâ sawchapawpa Zekaria sie ta. Zekaria cha Semiah sawchapawpa châ ta, Semiah cha Mâtaniah sawchapawpa châ ta, Mâtaniah cha Mikai sawchapawpa châ ta, Mikai cha Zaku sawchapawpa châ ta, Zaku cha Asâpha sawchapawpa a châ.

NEHEMIAH 12:42

Mâsei, Se­miah, Eliaza, Uzizi, Zehôhanâ, Mâkia, Elâmi nata Eze zy ama y hra. Hlasathaipazy ta Zezrâhia chhihthana ry liata ao paro ngaitapa ta hla sa ei ta.

NEHEMIAH 12:46

Hlâno Dâvi nata Asâpha daihti no tawhta, hlasathaipa py chhituhpazy vaw y ha ei ta, Khazohpa lâta alyna bie reina nata reithaina hla sanazy liata ama vaw chhihtha tyh.

NEHEMIAH 13:13

Theihthaipa Selemiah nata chârohtuhpa Zadô nata Livai chyhsa Pedai zy cha thyuna sôh avaotuhpazy ta rao ei na ta. Âmo baotuhpa châta Mâtaniah sawchapawpa Zaku sawchapawpa Hâna rao na ta. Âmo cha ngâ tlâhpa ta pachâpa châ ei ta, ama rai cha ama unawhzy hnohta ama to awpa hmo raipa a châ.

NEHEMIAH 3:17

Ano a pazipa cha Livai pathlazy ta taopathi ei ta, Bâni sawchapawpa Rehu nata ano pazipa ta Keilâh bia khophie ryureituhpa Hâsabiah ta ano bia châta a taopathi.

NEHEMIAH 8:7

Zawpizy amâ duana su liata amâ dua thlâh ha nota, Livai pathlazy, Zesua, Bâni, Serebiah, Zami, Aku, Sabethai, Hôdiah, Mâsei, Kelitâ, Azariah, Zôzabâ, Hâna nata Pelai zy ta zawpizy cha Ryhpa ama pahno thei nawpa ta pachu ei ta.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.