NEHEMIAH 11:17 - Mara Bible RV (BSI)

¹⁷ Mikâ sawchapawpa Mâtaniah chhao Zerusale liata a pahrâ. Mâtaniah cha Zabidi sawchapawpa châ ta, Zabidi cha Asâpha sawchapawpa a châ. Asâpha cha reithaina hla chhituhpa châ ta, alyna bie a reih tyhpa a châ. A pilâhpazy hry liata a panona Bâbukiah nata Sâmua sawchapawpa Abadâ zy chhao Zerusale liata ama pahrâ hra. Sâmua cha Kalâ sawchapawpa châ ta, Kalâ cha Zeduthu sawchapawpa a châ.

NEHEMIAH 11:17 ပူးပေါင်းရင်းမြစ်များ

2 SAMUELA 9:12

Mephibôse cha sawchapawpa thyutliapa pakha, a moh Mikhâ ama tahpa hnei ta. Chatanachata Zibâ o liata a pahrâpa zydua cha Mephibôse chakaotuhpa ta y khai ha ei ta.

1 THÂTIHZYRONA 16:4

Dâvi ta Livai pathla thokhazy cha Abeipa Byh hmiakô liata chakao ta, Abeipa, Izarei Khazohpa lâ thlahchhâpa ta, alyna bie reih ta, reithai awpa ta rao ta.

1 THÂTIHZYRONA 16:41

A zawngiahna cha chhâzaw châta a châpa vâta, Abeipa lâ alyna bie a reih tyh awpa ta, Hemâ nata Zeduthu nata mohropa ama moh ta a tlyhpazy chhao, ama hnohta chakaosapa ama châ.

1 THÂTIHZYRONA 9:15

Livai pathla hropazy cha Bâbakâ, Heresa, Kalâ nata Mâtaniah zy châ ei ta, Mâtaniah cha Mikhâ sawchapawpa a châ. Mikhâ cha Zikari sawchapawpa châ ta, Zikari cha Asâpha sawchapawpa a châ.

NEHEMIAH 10:12

Zaku, Serebiah, Sebaniah,

NEHEMIAH 11:16

Khazohpa o khôtho lâ raihria mohôhtuhpa Livai pathla pawhrâhpazy cha Sabethai nata Zôzabâ ama châ.

NEHEMIAH 11:18

Khihpi pathaihpa liata Livai pathla a ypazy cha ama zydua ta 284 ama châ.

NEHEMIAH 12:24

Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

NEHEMIAH 12:25

Mâtaniah, Bâbukiah, Ôbadia, Mesulâ, Talmô nata Aku zy cha chhikao vaituhpazy châ ei ta, chhikao kiapâh liata hmo sona ozy vaituhpa ama châ.

NEHEMIAH 12:31

Zudâh chhituhpazy thokhy chô lâ kiakhei ei na ta, lyna hla hlâ awpa ta hlapy rônahpa py no rao na ta. Py kha cha chho lâta Hnaihny Chhikao lâ pangaipa ta thokhy chô liata sie ei ta.

NEHEMIAH 12:46

Hlâno Dâvi nata Asâpha daihti no tawhta, hlasathaipa py chhituhpazy vaw y ha ei ta, Khazohpa lâta alyna bie reina nata reithaina hla sanazy liata ama vaw chhihtha tyh.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.