NEHEMIAH 10:39 - Mara Bible RV (BSI)

³⁹ Sâh, kresawhti nata sathaw thyupazy cha, Izarei sawzy nata Livai pathlazy ta supathaihpa hmobaoh sona, chakaotuhpa theihthaipazy, chhikao vaituhpazy nata hlasathaipazy yna chhôh­padâhpa liata ama soh lymâ aw. Eima Khazohpa o cha uasa leipa ta y aw ma pi,” tahpa ta bie amâ taih.

NEHEMIAH 10:39 ပူးပေါင်းရင်းမြစ်များ

2 ABEIZY 7:10

Vawh ei ta, khihpi ochhi vaituhpazy awsao ei ta, ama hnohta, “Aramia mo riehmo lâ vawh pi ta, cha liata ahy hmah vaw y leipa ei ta, chyhsa pyu rai y leipa ta, arâzy nata alâzy deita hraipa ta y ei ta, poh ozy cha a y ualuapa ta a vaw y thlâh haw,” tah ei ta.

2 THÂTIHZYRONA 31:11

Hezekia ta Abeipa o liata chhôhpadâhpazy tao awpa ta biepie ta, cha hawhna chata tao ei ta.

2 THÂTIHZYRONA 31:12

Thyunazy, su hrawh su khazy nata hmohlâpa pathaihpazy ngâchhih ngaitapa ta vaw pangia lymâ ei ta. Cha thyunazy mohôhtuhpa hyutuhpa cha Livai pathla Kônaniah châ ta, a unawhpa Simei cha a pazipa a châ.

NEHEMIAH 12:47

Zerubâbe nata Nehemiah daihtizy liata cha, Izarei saw zydua ta hlasathaipazy nata chhikao vaituhpazy tovyuh noh chareih ta pie tyh ei ta, Livai pathlazy tovyuh chhao pananopa ei ta, Livai pathlazy ta Arawna pathlazy tovyuh awpa ama panano pachhuah tyh.

HLAZY 122:9

Abeipa eima Khazohpa o vâta, Na châta a pha awpa ei tlua aw.

MALUHREINA 18:26

“Cha dei châ leipa ta, Livai pathlazy chho la, ama hnohta, ‘Nama ryuto châta Izarei sawzy su hrawh su kha ei cha piepa ei âmo tawhta nama dao tita, cha su hrawh su khapa tawhta su hrawh su kha Abeipa lâ nama hlâ pachhuah heih awpa a châ.

MALUHREINA 18:30

Chavâta Livai pathlazy hnohta hetana heta na tah aw: “Nama daopa tawhta a pha chaipa nama hlâ tita, cha cha Livai pathlazy châta sawhri liata kôvei phana ta pachâpa châ aw ta, kresawhti saohna liata kôvei phana ta pachâpa a châ aw.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.