NEHEMIAH 10:37 - Mara Bible RV (BSI)

³⁷ Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

NEHEMIAH 10:37 ပူးပေါင်းရင်းမြစ်များ

2 THÂTIHZYRONA 31:6

Zudâh khihpizy liata a pahrâpa Izarei sawzy chhao ta, viahchao nata mietaku zy tawhta su hrawh su kha vaw thyu ei ta, Abeipa ama Khazohpa châta hmohlâpa pathaihpa ama pananopazy tawhta su hrawh su kha thyu hra ei ta, a hluhpi ama pahmaohpakhy.

NEHEMIAH 13:10

Livai pathlazy tovyuh ama vaw pie leipa chhao pahno na ta. Chavâta raihriatuhpa Livai pathlazy nata hlasathaipazy cha ama lyu lâ chyu ta ama kua khai ha tyh.

NEHEMIAH 13:12

Zudâh mo zydua ta sâh su hrawh su kha, kresawhti nata sathaw thyuna sôh sona liata vaw soh ei ta.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

NEHEMIAH 13:9

Chatawhcha biepie na ta, chhôhpadâhpazy cha pathai ei ta, Khazohpa o hmobaohzy cha, niepa hlâna nata ropahâhpa chhaota a ngiakhei heih na ta.

PUASAINA 13:12

chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

PUASAINA 13:2

“Sawtuapa zydua kei châta na panano awpa a châ. Izarei sawzy hry liata chhi a pahy tuapa sawchapaw uhtheipa nata sahroh chapawpa a pataw tua chaipa maih kei eih a châ,” tah ta.

THEIHTHAINA 23:17

Chaluahpa hlâna ta Abeipa lâ thei hmiatuapazy hlâ awpa ta, nama pahrâna suzy tawhta, viahchhâ tlâ no nata viahdie dipa thinô pahlaopa ta taopa kachu su hrawh su no nama cheih awpa a châ.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 18:18

Chaluahpa hlâna palôh nata phei chachâh lâ cha na tovyuh a châpa hawhta, sa pathaihpa a pataw tuapa atheihna sazy chhao na tovyuh a châ aw.

MALUHREINA 18:21

Ahmaohna poh o liata chakaona rai ama hriana lymâ châta, Izarei râh liata su hrawh su kha zydua Livai chizy hnohta ama ryuto châta ei pie ei.

RAWMA 11:16

Thei hmiatuapa châta viahchhâ eichheihpa hlâpa a pathaih khiahta cha, viahchhâ tlâ pôhpalôhpa a pathaih. A thari a pathaih khiahta cha, a chiahzy a pathaih.

RYHPACHANEINA 14:22

“Kô chareih nama lyu kôvei zydua tawhta su hrawh su kha nama pie tyh awpa a châ.

RYHPACHANEINA 18:4

Nama sâh, nama kresawhti nata nama sathaw a veih tuapa nata nama mietaku hmi ngyu tuapa zy chhao theihthaipa nama pie aw.

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.