NEHEMIAH 10:34 - Mara Bible RV (BSI)

³⁴ Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

NEHEMIAH 10:34 ပူးပေါင်းရင်းမြစ်များ

1 THÂTIHZYRONA 24:5

Eliaza pathlazy nata Ithamâ pathlazy liata hyutuhpazy cha, hyutuhpa pathaihpa nata Khazohpa hyutuhpazy ama châ khaipa vâta, ama chakaona rai hria awpazy cha, nuby a daopa ta, â lyupa ta pachhaihpa a châ.

1 THÂTIHZYRONA 24:7

Nuby miakhana cha Zehôiari chô liata tlu ta, mianona Zediah,

2 THÂTIHZYRONA 2:3

Sawlawmaw ta Tyre bei Hirâ lâ chyhsa tuah ta, a hnohta, “Ei paw Dâvi chô liata hmo pha tao chi ta, a pahrâ nawpa o sa nawpa ta sidy thozy, na vaw paphaopa hawhna khata, kei chhao na taopa hra mah y.

EZRÂ 3:5

Cha khai tawhta, raopa hlâna hlâ tyhpazy, thla thieh atheihna hlâ tyhpazy, Abeipa kyhchhi raopa zydua liata atheihna hlâ tyhpazy nata Abeipa lâta lôhthai hmohlâpazy ama hlâ tyh.

NEHEMIAH 11:1

Izarei phopi chhituhpazy cha Zerusale liata pahrâ ei ta. Ahropazy deikua cha, nuby a dao ei ta, pahrawh liata pakha khihpi pathaihpa Zerusale liata pahrâ ei ta, pahrawh liata pachaki cha khih hropazy liata pahrâsapa ama châ.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

BIESOZY 18:18

Nuby a daopa ta ahryuchhiana pachhâsa ta, A hryuh haipa thatlôpazy a pachhaih tyh ei.

ISAI 40:16

Maisâh meithu châta Lebanaw thozy ta a khi leipa aw ta, A râhsazy chhao raopa hlâna châta a daih aw vei.

THEIHTHAINA 24:5

“Viahdie dipa la aw chi ta, cha chata viahchhâ tlâ hrawh hleino na tao aw. Viahchhâ tlâ kha châta viahdie kachu su hrawh su no lymâ hmâ awpa a châ.

THEIHTHAINA 24:6

Abeipa hmiakô liata tlâhkhai pathaihpa chô liata tlâh no ta paziah aw chi ta, tlâh kha liata viahchhâ tlâ charu lymâ ta na paziah aw.

MALUHREINA 28:2

“Izarei sawzy biepie la ama hnohta hetana heta chho teh: ‘Kei lâta mei ta nama hlâ tyh awpa niepa hlânazy cha a daihti raopa liata nama hlâ tyh awpa a châ. Cha cha kei châta ropahâhpa a châ,’ tah ta.

HMOTAOPAZY 1:26

Chatawhcha nuby a dao ei ta, nuby cha Mâthia chô liata tlu ta. Chatanachata ano cha lyuhchâpa pahrawh hleikhazy hry liata pahlaopa a châ.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.