NEHEMIAH 10:30 - Mara Bible RV (BSI)

³⁰ “He râh liata a pahrâpa phopi hropazy cha eima sawchanôzy pahneisa leipa aw pi ta, eima sawchapawzy châta ama sawchanôzy hiah aw ma pi.

NEHEMIAH 10:30 ပူးပေါင်းရင်းမြစ်များ

2 ABEIZY 23:25

Mawsi ryhpa zydua hawhta, pathipalôh tlokhuh ta nata thlahpa tlokhuh ta nata thatlôna tlokhuh ta Abeipa lâ a heihpa Bei Zôsia hawhpa cha, ano hlâta a ypa beizy hry liata ahy hmah y leipa ei ta, ano hnôhlâ ta beizy hry liata chhao ano hawhpa ahy hmah y khao veih ei.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 THÂTIHZYRONA 34:31

Abei cha ano su liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta.

NEHEMIAH 10:1

Biehrai chahnao pa-ina liata moh ropazy cha, Hâkaliah sawchapawpa râhvaotuhpa Nehemiah, Zedekia,

NEHEMIAH 13:23

Cha nohzy liata, Asadô chanôzy, Amawna chanôzy nata Môabâ cha­nôzy lapinô ta a hneipa Zu chyhsazy hmô na ta.

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

NEHEMIAH 13:30

Chatanachata chihropa a hniahnipa zydua tawhta âmo cha pathai ei na ta, theihthaipazy nata Livai pathlazy châta ama hria awpa ei raopa chyu ei.

NEHEMIAH 5:12

Âmo ta, “Chazy cha pakua khai aw pi ta, âmo tawhta khâpa hmah a hnaw aw ma pi. Na reipa hawhta eima tao aw,” tah ei ta. Chatawhcha theihthaipazy aw ei na ta, ama reipa hawhta zawpizy cha bie pataihsa ei na ta.

HLAZY 119:106

Na ryhpa siapazy zyh awpa ta, Bietai taopa ta ei pa-i haw.

PUASAINA 34:16

Cha leipa chhao ta, nama sawchapawzy châta ama sawchanôzy hnei aw ei chi ta, ama sawchanôzy ta ama khazohzy liata sihryh aw ei ta, nama sawchapawzy chhao ama khazohzy liata ama pasihryhsa pathlei aw.

RYHPACHANEINA 29:11

nama hawtizy, nama lapinôzy, chihropa nama riehmo liata a y hrapazy, nama tho a thlupa tawhta nama ti a thaihpa taihta Abeipa nama Khazohpa hmiakô liata namâ duah hih.

RYHPACHANEINA 7:3

Âmo nata a hnei pahlao awpa châ leipa ta, ama sawchapawzy châta nama sawchanôzy nama pie awpa châ leipa ta, nama sawchapawzy châta ama sawchanôzy nama hia awpa châ vei.