NEHEMIAH 1:5 - Mara Bible RV (BSI)

⁵ “Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 1:5 ပူးပေါင်းရင်းမြစ်များ

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

1 THÂTIHZYRONA 17:21

Na phopi Izarei hawhpa he alei chô liata khâpa phopi ma a y? Khazohpa ta ano phopi ta tao awpa ta, sie ta a kei chatlaipa phopi ahy ma a y? Izi râh tawhta na chatlaipa na phopi, ama hmiakô liata phopizy papuapa ta, na châta moh rônahpa nata noâhchhihpa hmozy châ awpa ta na taopa phopi hawhpa he ahy ma a y?

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

NEHEMIAH 4:8

Zerusale siehnao ta tymâna tao awpa ta a paraoh ei ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 76:8

Avâ tawhta pachiana bie phuah chi ta, Alei ta chi ta, sidiapa ta a y.

HLAZY 89:2

“Na kyhpachâna tleih beih leipa cha, Chhâzaw ta a duah aw ta, Avâzy liata na ngâchhihna na pa-i aw,” tah na ta.

HLAZY 89:3

“Ei tlyhpa chyhsa hnohta biehrai tao na ta, Nâ chakaotuhpa Dâvi hnohta bie ei taih haw:

HLAZY 89:8

Hy Zehôvâh Khazohpa Atotaotheipa, Hy Abeipa, nâ hawhta thatlôpa he ahy ma y ta, Nâ hawhta ngâchhihna ta a chadôpa he ahy ma a y?

PUASAINA 20:6

kyh na pachâ ta, ei biepiepazy a zyhtuhpa sâh hluhpizy chô liata deikua cha, ngiachhiena a palâsa tyhpa ei châ.

RYHPACHANEINA 7:12

“Cha pachiana biezy cha nathliepa ta, zyh ei chi ta nama taopa vâta, Abeipa nama Khazohpa ta châ pathlatuhpazy hnohta bie â vaw taihpa a biehrai nata a ngâchhihna nama chô liata a patlôsa aw.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.