NEHEMIAH 1:3 - Mara Bible RV (BSI)

³ Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

NEHEMIAH 1:3 ပူးပေါင်းရင်းမြစ်များ

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 ABEIZY 25:10

Zerusale padôpa ta taopa thokhyzy chhao, abei vaituhpazy hyutuhpa hnohta a ypa Kaldia pheisaihzy ta a zydua ta ama pacho khai haw.

2 THÂTIHZYRONA 36:19

Khazohpa o cha mei ta rao ei ta, Zerusale thokhy pacho ei ta, a chhôh liata abei o zydua mei ta rao ei ta, hmobaoh sôhpa zydua ama parao khai haw.

EZRÂ 2:1

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

EZRÂ 5:8

He he abei ta vaw pahno mawh sy. Zudâh râh liata Khazohpa rônahpa o lâ khy pi ta. O cha alô lai ngaita­pazy ta sapa châ ta, a pâhchhôzy tho ta chhôhpa a châ. Ama ku liata rai cha a phapa ta sie ta, a hmasie lymâ.

NEHEMIAH 11:3

Hezy he Zerusale liata a pahrâpa râh chhituhpazy ama châ. Izarei saw hropazy, theihthaipazy, Livai pathlazy, Achhyna o chakaotuhpazy nata Sawlawmaw chakaotuhpa pathlazy deikua cha Zudâh râh liata ama khihzy liata ama o chyu liata ama pahrâ.

NEHEMIAH 2:13

Zâ ta pua na ta, Saikao Chhikao, Drâkao Tikhaoh nata Hnaihny Chhikao zy chapiapa ta sie na ta, Zerusale thokhy chopa nata mei ta a chhikao a kâpazy moh na ta.

NEHEMIAH 2:17

Ama hnohta, “Eima duahmo chhiezie he hmô ei chi ta, Zerusale cha roryhrapa ta y ta, a chhikaozy mei ta a kâ khai ha hih. A vy teh u, mohnaopa ta eima y khao lei nawpa ta, Zerusale thokhy he paduapathi suh u,” tah na ta.

NEHEMIAH 2:3

Abei hnohta, “Abei cha hroh kôzaw mawh sy! Nâ pathlatuhpazy thlâ yna khihpi cha roryhrapa ta y ta, a chhikaozy chhao mei ta a kâ khai nota, kheihta ma pachârôhna hmia phaoh leipa ta ei y thei aw,” tah na ta.

NEHEMIAH 7:6

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

ESTHERI 1:1

He hmozy he Bei Ahasuarâ â bei nota a tlôpa a châ. Ahasuarâ cha India tawhta Kusi taihta râh pachhaihpa 127 chô liata bei châ ta.

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

BIESOZY 25:28

Anosasyh â pahnie leipa chyhsa cha, Khihpi chopa thokhy a hnei leipa hawhta a châ.

ISAI 43:28

Chavâta supathaihpa chhituhpazy cha, Nohzaopa ta ei tao aw ei; Zakaw cha tlokhuh parao awpa ta hlâ na ta, Izarei cha thata reipachhie awpa ta ei tao haw.”

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

ZEREMIAH 52:14

Zerusale padôpa ta taopa thokhyzy chhao, abei vaituhpazy hyutuhpa hnohta a ypa Kaldia pheisaihzy ta a zydua ta ama pacho khai haw.

CHAPHÔHTUNA 1:7

Zerusale cha a viavi pasataona noh liata, Hlâno ta hmo sôhpa a hneipa zydua kha â kaw thei. A khihsawzy khakhaipa ku liata ama pao nota, A bao awpa y khao veih ei; A khakhaipazy ta moh ei ta, A paopa cha ama pahneisao.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

CHAPHÔHTUNA 3:61

“Hy Abeipa, pasipasawhna bie ama reipazy thei khai chi ta, Eina teina zydua ei na thei khai;

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.