NEHEMIAH 1:11 - Mara Bible RV (BSI)

¹¹ Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 1:11 ပူးပေါင်းရင်းမြစ်များ

ÂTHAONA 24:42

“Tanoh tikhaoh vaw tlô na ta, ‘Hy Abeipa, ei zibeipa Abarahâ Khazohpa y, ei siena chhâpa hlao eina patloh awpa chi a châ khiahta la,

ÂTHAONA 32:11

Ngiachhiepa ta ei uhta Esaw ku tawhta na pachha mah y. A vy aw ta, nôzy nata sawzy chhaota miah a thie khai aw tahpa ei chi ngaita.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 40:1

Cha hmozy hnôhlâ ta, Izi bei nyu hlâtuhpa nata a viahchhâ taotuhpazy ta, ama bei, Izi bei cha a ru pachhô ei ta.

ÂTHAONA 40:2

Phiraoh cha a molaipa pano, nyu hlâtuhpazy hyutuhpa nata viahchhâ taotuhpazy hyutuhpa chô liata a hiehâh kaw ta.

ÂTHAONA 40:21

Nyu hlâtuhpazy hyutuhpa cha, a raihria tyhpa liata padua heih ta, Phiraoh ku liata nyu hlâ heih ta.

ÂTHAONA 40:23

Châhrasala nyu hlâtuhpazy hyutuhpa ta Zawsi cha a thei khao leipa ta, my ha ta.

ÂTHAONA 41:9

Cha nota, nyu hlâtuhpazy hyutuhpa ta Phiraoh hnohta, “Tanoh he ei tao chheipa ei vaw thei haw.

ÂTHAONA 43:14

Khazohpa Atotaotheipa ta, cha chyhsa hmiakô liata cha ngiachhie ei sala, cha chyhsa chata nama unawhpa pakha nata Benzami he nama hnohta kaw pasiesa mawh sy! Kei deikua cha, ei sawzy ei pahlei hapa chhao ta, ei pahleipa châ lah vâ,” tah ta.

2 THÂTIHZYRONA 6:40

Hy ei Khazohpa y, he thlahchhâna su lâ he ngiachhiepa ta na mo padeih la, na nah pachôh mah y.

EZRÂ 1:1

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

NEHEMIAH 2:1

Bei Âtazezia â beina kô kihna, Nisan thla liata, a hmiakô liata kresawhti ama vaw so nahta, kresawhti cha la na ta, abei pie na ta. Cha hlâta a hmiakô liata pachârôhna hmia phaoh beih leipa na ta.

NEHEMIAH 2:8

Abei râhmâhpa avaotuhpa Asâpha hnohta chhao, Achhyna o dôhna chhikao tlâh, khihpi thokhy nata ei pahrâ nawpa o châta a ngiahpa thozy na pie awpa ta châ na taopa awpa ta ei châ haw,” tah na ta. Ei Khazohpa ku phapa cha ei chô liata y ta, abei ta ei hiapazy cha hlao na patloh ta.

HLAZY 106:46

Sei ta âmo a chhituhpazy cha, Âmo a pangiachhiesa ei.

HLAZY 130:2

Hy Abeipa, ei ao thei la, Ngiachhie ei châ hawna ao lâ he, Na nah vaw pachôh mah y!

HLAZY 61:5

Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi.

HLAZY 86:6

Hy Abeipa, ei thlahchhâna lâ na nah vaw pachôh la, Ngiachhie ei châ hawna ao he nathlie mah y.

BIESOZY 1:29

Pahnona a hao ei ta, Abeipa china a tlyh leipa ei ta,

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.

ZEREMIAH 42:12

Babylaw bei ta cha ngiachhie ei sala, nama râh chyu liata pahrâ lymâ awpa ta a pasai thei nawpa ta, nama chô liata ngiachhiena ei palâsa aw.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.