NÂHU 3:7 - Mara Bible RV (BSI)

⁷ Châ hmôpa zydua ta châ sysai aw ei ta, “Ninivâ cha roryhrapa ta y ha ta, Ahy ma ano châta mâchhie a sa aw?” Ama tah aw. Thlah châ palôh awpazy cha, Khataih liata ei tlua aw?

NÂHU 3:7 ပူးပေါင်းရင်းမြစ်များ

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ZEREMIAH 15:5

“Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 50:18

“Chavâta Pheisaihzy Abeipa, Izarei Khazohpa ta hetana heta a tah: “Pachâ teh u, Asuria bei ei hriepa hawhta, Babylaw bei nata a râh chhao ei hrie aw.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

NÂHU 1:1

He he Ninivâ kyh liata biephuahpa, Ekôsah chyhsa Nâhu ta aluahna a hmôpa a châ.

ZEPHANIA 2:13

Maw lâ râh chô liata a ku hy aw ta, Asuria râh a parao aw; Ninivâ khihpi roryhrapa ta tao aw ta, Râhchâwhpa hawhta a chawhkarai aw.

MALUHREINA 16:34

Ama awhsâhpa pyu vâta, ama chheipâh liata Izarei saw zydua cha, “Alei ta miah a palâ pathlei aw,” tah ei ta, amâ râpai khai haw.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”