NÂHU 3:6 - Mara Bible RV (BSI)

⁶ Apuapa cha thy thlu aw na ta, Saw ta cha reih aw va na; Pahneiparâsaopa ta ei cha soh aw.

NÂHU 3:6 ပူးပေါင်းရင်းမြစ်များ

ZAWBÂ 30:19

Khazohpa ta chiatlao liata na thy ta, Dohlei nata buchâh hawh dei ei châ bâ.

ZAWBÂ 30:8

Hmo a pahno thai leipa, dyutlai leipa sawzy châ ei ta, Râh tawhta papuapa ama châ.

ZAWBÂ 9:31

Chiatlao khaoh lia na ny thlyu aw chi ta, Ei chysiazy cheingei ta eina pasi aw ei.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

CHAPHÔHTUNA 3:16

Alô châpa liata na chhuhpa ta ei hâhzy palaosa ta, Dohlei liata eina pahluasa;

EZEKIA 16:37

moh teh, nâ lyna na khopaw zydua pakhy aw ei na ta, na khopa zydua nata nâ haopa zydua ei pahmaoh aw ei. Âmo cha su to tawhta cha vaw pahmaoh thlu aw na ta, ama hmia liata thluahruapa ta cha soh aw na ta, na thluahruana zydua ama hmô khai aw.

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

MALAKHAI 2:3

“Moh teh u, nama pathlazy chhorei aw ei na ta, nama hmia liata ie ei hnia aw. Nama kyhchhina iezy tlai cha nama hmia liata hnia aw na ta, cha iezy chhao chata siekheipa nama châ aw.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

1 KAWRINI 4:13

Reipachhiepa ta eima y nahta, bie pha eima hlâ tyh. Tanoh taih heta hnaihny hawhta pachâpa châ pi ta, khizaw puapa zydua atohna hawhta pachâpa eima châ.

1 KAWRINI 4:9

Khizaw nata vâlyuhchâpazy nata chyhsazy mo phapa châ awpa ta, keimo, lyuhchâpazy pi he, thie awpa ta pathlupa chyhsazy hawhta, Khazohpa ta a hnôh chai ta miah a chaluahpa châ khiah ma ei tah tyh.

HEBRAI 10:33

A châh ta vâtlâh mohmô ta pasipasawhpa nata taolapa ta y ei chi ta, a châh ta pasipasawhna nata taolana a taopazy namâ duakhei tyh.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.